DOH 6 GIN APRUBAHAN NA ANG VACCINATION PLAN SANG BACOLOD

Share on facebook
Share on pinterest
Share on twitter
Share on print

Ginkumpirmar ni City Administrator kag Executive Director sang Bacolod Emergency Operations Center Em Ang nga aprubado na sang Department of Health ang Vaccination Plan sang syudad sang Bacolod.

Suno kay Ang, sa bug-os nga Western Visayas ang syudad sg Bacolod kag probinsya sang Iloilo palang ang gin aprubahan. 

Dugang pa ni Ang, 75% na nga preparado ang syudad bangud na kompleto na ang vaccination roadmap kag ang kulang nalang amo ang actual nga pag-abot sang bakuna kontra covid-19. 

Palayag ni Ang, padayon man ang pre-registration sa mga barangay rason nga indi tanan ang nakapasa na sang report. 

Sa karon,padayon pa ang ginapatigayon nga education campaign agud ma-athagan ang mga pumuluyo kon ano ka importante ang pagpabakuna.

Samtang, madamo pa nga mga kagamitan ang kinahanglanon sang syudad agud ma kumpleto ang pag plastar sang Storage Facility nga plano ipahamtang sa Annex Building sa kilid sang Bacolod Government Center.

Suno kay Councilor Renecito Novero, indi lamang ang pag preparar sa building ang gina tinguhaan sang syudad nga matigayon paagi sa City Engineers Office, kundi gina lakipan man ini sang pila pa ka mga kinahangalanon nga mga kagamitan nga natalana pahamtangan sang COVID 19 vaccine.

Dugang pa ni Novero, prayoridad sang lokal nga panguluhan sa syudad sang Bacolod nga matapos ini nga pasilidad antis pa man mag abot ang gin talana nga petsa para sa delivery sang amo nga bakuna. | Aksyon Eden Aboso, Aksyon Art Tayhopon

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.