DIOCESE SG BACOLOD, NAGAPREPARAR PARA SA LIWAT NGA PAGBALIK SANG MISA SA HUNYO 7

Share on facebook
Share on google
Share on pinterest
Share on twitter
Share on print

Nagapreparar na ang simbahan para sa patigayunon nga misa sa Hunyo 7, Dominggo. Suno kay Father Henry Donasco, director sang Commission on liturgy sang Diocese of Bacolod, indi na kada oras ang misa kundi kada 2 ka oras bangud matapos ang isa ka misa, magapatigayon pa sila sang disinfection.

Suno kay Donasco 4 ka linya ang pagasundan sang mga sumilimba sa diin, ang duha ang para sa magasulod sa main entrance sang simbahan kag ang duha ang para sa wala kag sa tuo nga entrance.

Dugang pa ni Donasco “all-in kag all-out” ang mga tawo rason nga ginadilian ang mga sumilimba nga mag sulod kon naga umpisa na ang misa kag magatiner ukon maghulat sang masunod pa.

Ginpalayag man ni Donasco nga 4 lang ka persona ang pwede makapungko agod mapabilin ang social distancing, per row ang pagpangalawat kag wala sang offertory ukon paghalad.

Pangabay ni Donasco nga indi magdala sang kabataan para indi mabudlayan ang mga hospitality ministers nga mag-control sang tawo.

MORE STORIES:

error: Ooops... You are not authorized to copy this content.