DIOCESE OF BACOLOD PAGATUN-AN ANG BAG-O NGA SCHEDULE SANG MISA

Share on facebook
Share on google
Share on pinterest
Share on twitter
Share on print

Tun-an liwat sang Diocese sang Bacolod kun paano mas mangin epektibo kag mahapos sa mga sumilimba ang pagsunod sang bag-o nga schedule sang misa sa San Sebastian Cathedral.

Suno kay Rev. Fr. Henry Donasco, Director sang Commission on Liturgy sang Diocese sang Bacolod, mahimo madamo pa gid man sang wala makahibalo sa bag-o nga schedule sang misa.

Sa una nga domingo sa liwat nga pagbalik sang panimbahon, naobserbahan nga kalabanan nga sumilimba ang naga-abot sa simbahan samtang nagapadayon na ang misa.

Dugang pa ni Donasco, wala na ginapahanugutan nga makasulod sa simbahan ang mga sumilimba sa tion nga magsugod na ang misa agud nga masunod ang protocol nga ginapatuman.

Lakip man sa ginakonsiderar sang simbahan suno kay Donasco amo ang pagplastar sa husto nga pulungkuan sa mga sumilimba agud masunod ang physical distancing.

Ang mayor nga pertahan sang cathedral lamang ang magaserbi nga entrance samtang ang magagmay nga gate sa kilid sang simbahan ang exit.

Samtang, ginpaathag sang Diocese nga nakadependi sa kada parokya kun magahiwat ini sang commuted mass sa adlaw sang Mierkoles tubtob Sabado.

Suno kay Donasco, sa creed nga ginpapanaog ni Bacolod Bishop Patricio Buzon, indi obligado ang tagsa ka parokya nga maghiwat sang commuted mass.

Samtang, kun plano sang parokya nga magpatigayon sang commuted mass nagakadapat nga italana ini sa adlaw nga mierkoles tubtob sabado sang hapon.

Makabulig ang commuted mass agud mabuhinan ang kadamuon sang sumilimba nga magapadulong sa kada simbahan sa adlaw sang Domingo.

Nagpangayo naman si Donasco sang paghangop sa mga tumuluo sa mga pagbag-o sa proseso, schedule kag akomodasyon sang simbahan sa pagpatigayon sang misa bangud sang nagapadayon nga pandemic. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.