Pagabutangan sang gobyerno probinsiyal sang bag-o nga personnel ang mga bakante nga posisyon sa kapitolyo probinsiyal, kag buhinan ang functions ukon obligasyon sang pila ka mga empleyado.
Ginpahayag ni Provincial Administrator Atty. Rayfrando Diaz II, may mga posisyon nga nabakante bangud sa pagretiro sang pila ka mga empleyado.
Dugang pa ni Diaz, ila man resolbahon ang problema angot sa kadamuon sang trabaho sang mga empleyado nga nagauyat lamang sang isa ka posisyon.
Suno kay Diaz, igaimplementar man ang pagbuhin sa kadamuon sang mga casual kag job order nga empleyado pagkatapos ang bulan sang Marso.
Una diri , ginpahayag ni Gobernador Eugenio Jose Lacson nga kapin isa ka gatos ang igabuhin nga casual kag job order employees, agud maresolbar ang problema nga gintuga angot sa pagsobra sa limitasyon sang personnel services. | Aksyon Marlon Genovea