(adsbygoogle = window.adsbygoogle || []).push({});

DEPED REGION 6: ESTUDYANTE NGA MAY GADGET PWEDE MAKA HOMESCHOOLING

Share on facebook
Share on google
Share on pinterest
Share on twitter
Share on print

Naga padayun ang Department of Education Region 6 sa pagpatigayon sang inventory angut sa kahandaan sa pag bukas sang klase sa Agusto 24 sa idalum sang New Normal.

Sa interview sang Aksyon Radyo, gin pahayag ni Assistant Regional Director Region 6 Dr. Josilyn Solana, sa idalum sang New Normal, ang mga estudyante kag manunudlo nga may mga gadget ang pwede maka homeschooling ukon e-learning.

Gin ehemplo ni Solana nga ang mga estudyante nga wala sang internet connection kaangay sa mga nabukid nga lugar ang kinahanglan mag padulong sa eskwelahan para mag tuon.

Sa idalum sang New Normal, 20 lamang ka mga estudyante sa isa ka room kon naga usar sang armchair samtang 15 naman ka estudyante kon naga usar sang desk para matuman ang social distancing.

Suno kay Solana, ang schedule sang klase ang maga depende sa class programming sang kada eskwelahan.

Ang mga manunudlo ang iga paidalum man sa training sa pagpatigayon sang online class.

Sa Hunyo 1 kinahanglan na nga mag-report ang mga public school teachers para mag preparar sa pagbukas sang klase.

Ang DepEd suno kay Solano ang maga istorya man sa mga ginikinan kon ano nga klase sang pag tuon ang pwede sa ila nga bata sa idalum sang new normal.

Suno kay Solana, plano man sang Dep-Ed nga mag butang sang mga handwashing area sa gate sang eskwelahan, pag-spray sang alcohol sa mga estudyante antes mag sulod sa buluthuan kag mag usar sang thermal scanner. | Aksyon Dale Salazar

MORE STORIES: