Wala gindayon sang demolition team idalum sang Bacolod City Legal Office nga gubaon ang lima ka bahay Kubo nga nahamtang sa sulod sang old airport, matapos nagpamalabag si Barangay Tangub punong Barangay Noli Villarosa.
Suno kay Villarosa, nagnegosyar sa iya si Dante Mendecillo, head sang demolition team sa plano nga pagguba sa mga kubo nga nagaserbi kon tani pasilungan, kalan-an kag kapehan sang mga naga Zumba kag naga-jogging sa lugar.
Gin-alegar man ni Villarosa nga bilang Kapitan, siya ang gintugyanan sang pamunuan sang CAAP nga bantayan ang territorial boundary sang Barngay Tangub kag Singcang- airport agud indi masudlan sang mga ilegalista.
Ginklaro man ni Villarosa nga ang mga Kubo ginapanag-iyahan sang ila Barangay nga ginadumala sang Tangub Women’s Cooperative. | Aksyon Alvin Grava