DEADLINE SA PAG SUMITER SANG LISTAHAN SANG LEFT-OUT FAMILIES TUBTOB NA LAMANG BWAS

Share on facebook
Share on google
Share on pinterest
Share on twitter
Share on print

Ginpanawagan ni Department of Social Welfare and Development ukon (DSWD) Region 6 Director Ma. Evelyn Macapobre sa mga Local Government Units ukon (LGUs) sa Western Visayas, nga magsumiter na sang listahan sang mga “left-out” beneficiaries sang social amelioration program ukon (SAP).

Sa virtual presser sang DSWD subong nga adlaw, ginsiling ni Macapobre nga deadline na sa pagsumiter sang amo nga listahan sa Hunyo 9.

Ang mga “left-out” amo ang mga kwalipikado nga benepisyaryo sang SAP, apang wala malakip sa master list.

Dugang pa ni Macapobre, ini nga listahan ang una nga isumiter sa ila talatapan, antis ipadala sa DSWD central office kag Department of Finance para sa duplicity check.

Suno sa regional director, diutay na lamang nga mga tinion ang nabilin, kag maga expire na ang Bayanihan to Heal as One Act sa Hunyo 24, 2020 nga amo ang basihan sa pagpanagtag sang emergency cash aid.

Ini nga kasuguan ang ginpirmahan ni Presidente Rodrigo Duterte sang Marso 24. | Aksyon Marlon Genovea

MAAKOMODAR SA BOSS NAGSAKA SA 500 KADA ADLAW

Nagsaka na sa 500 ka mga tawo ang ma akomodar sang Bacolod Permits and Licensing Office (PLO) sa nagapadayon nga Business One Stop Shop sa Ayala Malls Capitol Central.

Suno kay Stela Rose Rayos, pamuno sang PLO, nagligad nga Enero 11 sang ila ginpasakaan ang numero sang mga kliyente nga nagaproseso sang business permit humalin sa 300 pakadto sa 500.

Dugang pa ni Rayos, sa karon, wala sang mga mayor nga reklamo nga nabaton ang ila talatapan sa nagapadayon nga aktibidad.

Nagpasiguro man si Rayos nga istrikto man nga ginamonitor ang attendance sang mga Barangay sa BOSS para sa pagisyu sang Barangay Clearance.

Tinalikdan nga Biernes, may pito ka mga Barangay nga wala sang tiglawas sa BOSS.

Nagapakita man sa datus sang PLO, nga mas madamo ang nagapa appointment walk-in sa Ayala Mall kag Bacolod Government Center ikomparar sa Online.

May yara na sang 10, 750 ang narehistro nga Negosyo sa Bacolod tubtob Enero 15.

Ang BOSS ang magalawig tubtob Marso 31, 2021. | Aksyon Dale Salazar

NEGROS OCCIDENTAL MAY 118 ACTIVE COVID-19 CASES

Liwat nga nagsaka ang kaso sang Covid-19 sa Negros Occidental.

Sa datos sang Provincial Incident Management Team (PIMT) tubtub Enero 17, 2021, nagsaka sa 118 ang active cases halin sa 109 nga record sadtong Enero 11, 2021.

Ang syudad sang San Carlos amo ang may pinakadamo nga active cases nga may 23 kag ginasundan sang Silay nga may 13.

May 24 naman ka mga banwa kag syudad ang may single-digit number na lamang nga active cases.

May lima man ka mga banwa nga wala na sang aktibo nga kaso nga ginalakipan sang Don Salvador Benedicto, Cauayan, Pontevedra, San Enrique, kag Valladolid.

Pinakanubo nga active cases ang narekord sang PIMT sadtong Enerto 6 kag 9, 2021, nga may 104.

Basi sa cumulative report sang PIMT halin Marso 27, 2020 tubtub Enero 17, 2021, ang Negros Occidental ang may total Covid-19 cases nga 6,574, recoveries – 6,250, kag 206 nga napatay. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.