DAR EMPLOYEE, PATAY SA AKSIDENTE

Share on facebook
Share on pinterest
Share on twitter
Share on print
Talisay City – Patay ang isa ka empleyado sang Department of Agrarian Reform matapos naaksidente sa National Highway Hacienda Nacab, Brgy. Zone 16 siudad sang Talisay la 1:50 sang aga, Nobyembre 11. 
Ginkilala ang napatay kay Romel Sagaran, residente sang Brgy. Alicante banwa sang E.B Magalona. 
Suno kay PO3 Jade Dela Cruz, isa sa imbestigador sa amo nga aksidente, nagabyahe pa norte si Sagaran kag sa ila inisyal nga pag tan-aw, posible nga trucking ang na bungguan ni Sagaran bangud may pilas ini sa agtang. 
Dugang pa ni de la Cruz posible madasig ang padalagan ni Sagaran rason kon ngaa nadisgrasya ini siya. 
Suno kay Dela Cruz, indi pa sa karon matumod kun biktima sang hit and run ang biktima bangud posible wala maka batyag ang salakyan na iya nabungguan ilabi na kon truck ini. 
Mabudlay man ang amo nga kaso bangud wala sang testigo apang ginalauman ni dela Cruz nga magsungka sa kapulisan ang driver sang kon ano man nga salakyan ang nabungguan ni Sagaran.*Aksyon Eden Aboso
What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.