CYRIL CUADRA NAKUHAAN SANG 204K NGA BALOR SA DROGA

Share on facebook
Share on google
Share on pinterest
Share on twitter
Share on print

Arestado ang isa ka high value target sa buy bust operation nga ginpatigayon sang mga operatiba sang Bacolod City Police Office-City Drugs Enforcement Unit (BCPO-CDEU) sa Purok Sigay, Barangay 2 syudad sang Bacolod, kaina sang hapon, Sabado.

Ang nadakpan ginkilala kay Cyril Cuadra, 26 anyos, isa ka drug surrenderee kag nalakip sa drugs watchlist sang BCPO.

Suno sa Team Leader sang BCPO-CDEU, naglawig sang isa ka semana ang surveillance batuk kay Cuadra antis madakpan.

Narekober sa operasyon ang anum ka dalagko kag lima ka palaba nga plastic sachet sang ginasuspetsuhan shabu nga may kabug-aton nga 30 gramos kag ginabulubanta nagabalor 204,000 pesos, 500 pesos nga kwarta kag pula nga kahita.

Si Cuadra ang nagsungka sa Oplan Tokhang nga programa sang kapulisan tinalikdan nga tuig apang liwat nga nagbalik sa negosyo sang ilegal nga droga tinalikdan nga mga binulan.

Kaso nga paglapas sa layi nga nagadumili sa pgabaligya kag paghupot sang ilegal nga droga ang ipasaka batuk kay Cuadra nga karun priso sa custodial facility sang Police Station 2. | Aksyon John Diaz

MORE STORIES:

error: Ooops... You are not authorized to copy this content.