CURFEW VIOLATOR, NAKUHAAN SANG ARMAS LUTHANG

Share on facebook
Share on google
Share on pinterest
Share on twitter
Share on print

Nakuhaan sang armas luthang ang isa ka lalaki nga nadakpan lang sa paglapas sa curfew sa Guanzon Street, Barangay 1, Syudad sang Kabankalan kaina sang kaagahon.

Ang suspetsado ginkilala kay Ruel Apolinario, 49 anyos kag nagapuyo sa Barangay Camugao sa amo man nga Syudad.

Nagapatrolya ang kapulisan sa pagpanguna ni P/Lt Dennis Melgarejo sang Himamaylan PNP sang nakit-an nila si Apolinario nga yara pa sa guwa sang mga las 12:45 sang kaagahon, apisar nga hugot ginapatuman ang curfew nga kalakip sa health protocols batuk sa COVID-19.

Sang gin-search ini, may sukbit nga black widow caliber 22 lakip na ang lima ka bala sini nga wala pa kalupok. Ang suspetsado ginturn-over sang Himamaylan PNP sa Kabankalan PNP. | Aksyon

PRIMARY SUSPECT SA MASSACRE GIN-AKO ANG KRIMEN

Gin-ako sang primary suspect nga si Christian Tulot nga siya ang nagpatay sa apat ka miembro sang pamilya sa Gardenville Subdivision, syudad sang Bacolod nagligad nga Abril 4.

Si Tulot ang naghimo sang extra judicial confession kag iya ini ginpalayag sa atubangan sang iya abogado, kapulisan kag katapo sang media subong nga hapon, Abril 10.

Suno kay Tulot, ang konsensya amo ang nagduso sa iya para akuon ang krimen.

Ginpakita sang kapulisan ang martilyo kag espading nga gin usar sa krimen kag ini ang gin ako sang suspek.

Gin ako man sang suspek nga iya man gindala sa iya gintiniran sa Barangay Bunga, Don Salvador Benedicto ang mga cellphone, kag iban nga gamit nga iya ginkuha.

Abril 4 sang natabo ang krimen pero Abril 7 sang natukiban sang kapulisan.

Ginkilala ang mga biktima amo sanday John Michael Espinosa, Jocelyn Nombre Espinosa, , Gemma Espinosa kag ng anum ka tuig nga si Precious Espinosa.

Nagpangayo sang pasensya si Tulot sa pamilya sang mga biktima kag sa Ginoo bangud sa krimen nga iya ginhimo.

Nagpangayo man sang pasaylo si Tulot sa kapulisan, sa publiko kag sa media bangud sa iya pagbinutig.

Ginalantaw sang kapulisan nga ang paghatag sang extra judicial confession ni Tulot ang bangud nga nagtahaw na ang epekto sang iligal nga droga.

Ginpahayag ni Police Major Joery Puerto, hepe sang Police Station 8, nga sa Lunes nga adlaw ila ipasaka ang kaso nga multiple murder with robbery batuk kay Tulot.

Para kay Puerto, napukaw ang suspek sa iya nga konsensya kag naserbe na ang hustisya.

Kaina sang hapon, sang gin lubong na ang mga biktima sa Bacolod Memorial Park.

BACOLOD GINA FINALIZE ANG PAGLIGWAT SA REGULASYON SA LIQUOR BAN

Gina tapos na lamang sang komitiba ang pag dihon sang Executive Order nga naga tuyo sa pag ligwat sang liquor ban nga regulasyon sa syudad sang Bacolod.

Suno kay City Legal Officer Atty. Joselito Bayatan, wala gid man sang dako nga pagbag-o sa amo nga regulasyon magluwas sa pag suspend sang gradual permission nga gin hatag sang syudad sa pila ka mga negosyante nga gin tugutan sa pag serbe sang ilimnon ilabi na sa mga hotel kag restaurant.

Dugang pa ni Bayatan, mahimo sa gihapon nga maka bakal sang ilimnon ang publiko apang base lamang sa gin talana nga tiyempo kag dapat patigayunon lamang sa sulod sang puluy-an kag indi sa pampubliko nga lugar.

Sa idalum sang existing nga regulasyon, pwede makaserbe kag makainom sa pila ka mga establisamento umpisa las 6 tubtob las 9 sang gab-i, samtang ginatugutan ang pagbakal sang ilimnon humalin las 12 sang udto tubtob las 6 sang gab-i pero mag inom sa pribado nga lugar. | Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.