CURFEW NGA 8:00 PM – 4:00 AM SA NEGROS OCCIDENTAL MAGAPADAYON TUBTOB MAYO 31

Share on facebook
Share on google
Share on pinterest
Share on twitter
Share on print

Nagisyu si Governor Bong Lacson sang Executive Order No. 21 – 24 series of 2021 nga nagapalawig sa pagpatuman sang Modified General Community Quarantine ukon MGCQ sa Negros Occidental tubtob Mayo 31, 2021.

Ginpirmahan kag gin isyu sang gobernador ang mando sang Hwebes sang hapon, Abril 29.

Nasaad sa mando ni Lacson nga magapabilin ang curfew sa probinsya nga las 8 sang gab-i tubtob las 4 sang kaagahon.

Magapabilin man ang istrikto nga measure angut sa mass gathering sa probinsya.

Nasaad man sa mando nga tanan nga traveler pasulod sa probinsya ang kinahanglan nga mag register sa SPASS samtang tanan nga establisamento ang dapat magregister sa staysafe.ph application.

TASK FORCE DISIPLINA MAGAPAHAMTANG MARKINGS KAG MAGA SCAN BAC-TRAC SA NAGAPILA SA COMELEC BACOLOD

Maga pahamtang sang markings para sa social distancing kag scanning sang BacTrac ang Task Force disiplina sa talatapan sang COMELEC umpisa sa Lunes, Mayo 10.

Suno kay Wilfredo Taba Geolingo Action Officer sang Task Force, tuyo sini nga mapunggan ang problema angut sa gina kabalak-an nga pagtaas sang kaso sang COVID 19.

Dugang pa ni Geolingo, mismo ang Malacañang nag mando sa tanan nga mga LGU sa pagpatuman sang hugot nga implementasyon sang amo nga regulasyon.

Gin klaro man sini nga magluwas sa Task Force disiplina, may yara man sang pila ka mga miyembro sang kapulisan nga maga bulig para sa amo nga kampanya. | Aksyon Art Tayhopon

PRISO SA ESCALANTE PNP GINBAWIAN KABUHI SA HOSPITAL

Patay ang isa ka bilanggo sang Escalante City Police Station samtang ginabulong sa Vicente Gustilo District Hospital syudad sang Escalante.

Ang napatay ginkilala kay Radjie Yap , 20 anyos, residente sang Yolanda Homes, Barangay Washington, sa amo nga syudad.

Suno kay PLt Col. Gil John Despi, nabilanggo si Yap sadtong February 23, 2021 matapos gindakop sa kaso frustrated homicide.

May 6, 2021, ginpa check-up sa doctor si Yap matapos nakabatyag sang stomach pain, kag  kahapon (May 7, 2021) las 9:40 sang aga gin-confine sa ospital matapos nakaangkon sang inasod asod nga pagpalanakit sang tiyan.

Las 12:45 sang hapon ini gindeklarar patay samtang ginabulong sa ospital bangod sa acute respiratory failure. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.