COVID-19 PATIENT #5 SANG NEGROS NAKARECOVER NA

Share on facebook
Share on google
Share on pinterest
Share on twitter
Share on print

Naka rekober naman ang covid-19 patient no. 5 sa Negros Occidental matapos mag negatibo sa ikaduha nga repeat RT-PCR test.

Ini siya amo ang 29 anyos nga taga banwa sang La Castellana kag patient no. 83 sa Western Visayas. Mayo 6 sang siya ang una nga nag positibo sa covid-19 kag ginpa idalom sa isolation sa Negros Occidental Quarantine Facility Healing Center.

Sa record sang Department of Health Region 6, ini nga pasyente ang kalakip sa mga repatriated OFWs kag may travel history sa Brazil kag Manila.

As of May 24, 2020, wala sang na record nga confirmed cases sa Western Visayas.

BARANGAY 18 MAY ARKILAHAN NGA LUGAR PARA TEMPORARY SHELTER SANG MGA WATCHER

Arkilahan sang Brgy. 18 council ang isa ka bakante nga lokal agud himuon nga temporary shelter para sa mga watchers sang mga pasyente sang Corazon Locsin Montelibano Memorial Regional Hospital (CLMMRH).

Ang arkilahan nga lugar ang nahamtang sa 2nd Cordova Road, Brgy. 18 syudad sang Bacolod kag may kadakuon nga 12×50 square meters.
Suno kay Kapitan Madeline Diaz sang Barangay 18, isa ka indi magpakilala nga indibidwal ang nagpakig-angut sa iya agud magbulig sa mga watchers pinaagi sa paghatag sang libre nga ilistaran.

Magapahamtang man sang 50 ka mga folding beds kag ulunan ang barangay agud indi na mabudlayan pa nga magpangita sang gamit ang mga watchers.

Dugang pa ni Diaz, wala labot sang bulig pinansyal magahatag man sang duha ka sako sang bugas ang nagdonar.

Nagalaum si Diaz nga magkooperar kag mangin responsable ang mga watchers. | Aksyon John Diaz

LIMA KA PERSONNEL SANG NBI-BACOLOD, NAGPOSITIBO SA COVID-19

Temporaryo nga ginpasira ang talatapan sang National Bureau of Investigation (NBI) Bacolod, matapos nagpositibo sa Covid-19 ang lima ka mga personnel sini.

Sa interview sang Aksyon Radyo Bacolod ginpahayag ni NBI Bacolod Head Atty. Renoir Baldovino, 25 ka mga personnel ang ginpaidalom sa RT-PCR swab tests nagligad nga Biyernes kag Sabado , kag lima sa mga ini nga lunsay mga babaye ang nagpositibo sa Covid-19.

Bangud sini suno kay Baldovino, ginmando sang Local Inter-Agency Task Force (LIATF) Bacolod ang pagpasira sang NBI office, agud mapaidalom sa disinfection.

Dugang pa ni Baldovino, napaidalom na sa isolation ang lima ka mga nagpositibo sa quarantine facility sang syudad sa Brgy. Villamonte.

Ginpatigayon naman ang contact tracing sa mga naka close contacts sang Covid-19 positive.

Nag umpisa ang pagpasira subong nga Lunes Enero 18 tubtub Enero 22, 2021. Magabalik ang operasyon sang NBI Bacolod sa Enero 25. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.