COVID-19 CURVE SA BACOLOD NA-FLATTEN NA SUNO KAY FELICIANO

Share on facebook
Share on google
Share on pinterest
Share on twitter
Share on print

Na-flatten na ang Covid-19 curve sa syudad sang Bacolod.

Ini ang kabahin sang mensahe ni IATF Visayas Chief Implementer Retired Major General Mel Feliciano para sa Bacolod Emergency Operations Center.

Suno kay Feliciano, ang Bacolod City ang isa na sa pinaka-safe nga lugar sa Pilipinas.

Gin panginbulahan ni Feliciano ang tanan kag si Mayor Evelio Leonardia.

Madumduman, si Feliciano ang nag bulig sa Bacolod sa sulod sang duha ka bulan humalin Setyembre 1 tubtob Oktubre 30, 2020.

Ang Bacolod karon ang napaidalum sa Modified GCQ umpisa Disyembre 1 tubtob 31, 2020. | Aksyon Dale Salazar

TAGA SAN CARLOS NGA NAGPANGAYAW BULANG SA CALATRAVA, POSITIBO SA COVID-19

Ginkumpirmar ni San Carlos City Mayor Rene Gustillo nga isa ka lalaki nga nagpamulang sa banwa sang Calatrava ang nagpositibo sa COVID-19.

Sa interview sa Aksyon Firing Line, ginpahayag ni Gustillo nga nadulaan sang panabor ang pasyente rason nga ginpaidalom sa swab test kag naggwa nga positibo sa virus.

Suno kay Gustillo, nagapadayon ang contact tracing sa syudad kag ginapanawagan sang alkalde sa mga nakakadto sa bulangan nga taga-San Carlos nga kon mahimo magpakig-angot sa syudad agod mahibaluan ang kondisyon kag madula ang kabala sa posible paglapta pa sang virus.

Sa karon, yara sa hospital ang pasyente kag limitado pa ang detalyi sang alkalde tungod ginahapo pa kon istoryahon ang nagpositibo nga ginabulubanta naga-edad sang masobra 60 anyos.

MORE STORIES:

LIKE US ON FB

error: Ooops... You are not authorized to copy this content.