MENU

COVID-19 CASES SA BCPO NAGSAKA SA 70

  • at 6:14 pm
Share on facebook
Share on pinterest
Share on twitter
Share on print

Nagsaka sa 70 ang nagpositibo sa Covid-19 sa hanay sang Bacolod City PNP.

Ini ang pinaka-ulihi nga record sa padayon nga surveillance testing sang City Health Office.

Suno kay Police Lt. Liberty Indiape, Public Information Officer sang Bacolod City Police Office ubuson swab ang masobra 700 ka pulis sa syudad sang Bacolod.

Ini ang sabat sang Emergency Operation Center ukon EOC sa pangabay ni Bacolod City Director Police Col. Manuel Placido nga ipaidalom sa survillance testing ang tanan nga kapulisan.

Suno kay Indiape kalabanan sang kapulisan nga nagpositibo sa Covid-19 ang asymptomatic.

Nagpasiguro si Indiape nga hugot nga ginapatuman sang tagsa ka hepe ang health protocol sa ila police station agod malikawan ang paglapta sang virus nga Covid-19. | Aksyon Eric Magbanua

What’s your Reaction?
+1
0
+1
0
+1
0
+1
0
+1
0
+1
0
+1
0

SALAKYAN NGA GINKAKASAN SANG LGU LOGO KAG GINPULI SANG BTAO HEAD, NABALIK NA

April 19, 2024

Nabalik na ni BTAO Head Patrick Lacson ang isa ka bag-o nga salakyan sa idalum sang MABB Cab system nga nakuhaan sang litrato nga naka park sa gwa sang iya balay kag ginkuha ang logo sang syudad.

Una nga gin post ang litrato sang Toyota Avanza sa Bacolod Exposed FB private group nga kabahin sang 10 nga ginbakal sang LGU para sa MABB Cab.

Sa phone patch interview, Biernes, ginpahayag ni Lacson, nga isa ka adlaw kag tunga naglawig ang salakyan sa iya kag nagpadala na ini sang letter of apology kay Mayor Albee Benitez.

Pero ginpaathag ni Lacson, wala ini sang malain nga intensyon kag may yara lamang sang miscommunication nga natabo.

Ginpaathag ni Lacson, November 2023, may mitsubishi adventure nga gin detail ang LGU sa iya bilang BTAO Head pero may pangabay man sa LGU sang patrol car para sa ila operasyon. Suno kay Lacson, gin-convert sini pakadto sa patrol car ang gintugyan sa iya nga salakyan.

Dugang pa sang BTAO Head, nakalab-ot sa iya ang impormasyon nga sa 10 ka bag-o nga salakyan, lima lamang dire ang naga operate bangud sa kakulang sang regular nga driver.

Suno pa kay Lacson, iya ginkakas ang logo ka LGU sa salakyan bangud ini ang iya gina usar sa monitoring sang mga traffic enforcers kon nagatrabaho ukon wala.

Nag isyu naman si City Legal Officer Atty. Romeo Carlos Ting Jr. sang notice to explain sa BTAO Head. | Bacolod Exposed Photo/FB

What’s your Reaction?
+1
0
+1
0
+1
0
+1
0
+1
0
+1
0
+1
0

GROUNDBREAKING CEREMONY SANG NAYON PANUBLI-ON HOUSING PROJECT SA ISABELA, GINPATIGAYON

April 19, 2024

Ginpatigayon ang groundbreaking ceremony sa Nayon Panubli-on Housing Project sa Brgy. 9 banwa sang Isabela, Negros Occidental Byernes sang aga Abril 19, 2024.

Ang seremonya ginpamunuan ni Municipal Mayor Irene Montilla, kag iban pa nga mga opisyal sang gobyerno.

Suno sa alkalde, ini nga proyekto ang makabenepisyo sa mga residente sang banwa nga miyembro sang Home Development Mutual Fund (HDMF) ukon Pag-IBIG.

Suno kay Montilla, indi lamang puluy-an ang patukuron sa lugar, kundi pahamtangan man sang merkado, bagsakan center, food storage, basketball court kag transportation terminal.

Ginklaro sang alkalde nga wala sang gastuhon ang banwa, kundi ang developer nga Homeworld Construction nga amo ang magapatukod sang proyekto sa masobra 6 ka hektarya nga propeidad nga gindonar sang munisipalidad. Magluwas sa mga balay, patukuron man ang Central Philippine State University, Isabela National High School, PNP-Special Action Force, Technical Education and Skills Development Authority, kag evacuation center.

Target nga maumpisahan ang development sa lugar sa bulan sang Mayo ukon Hunyo subong nga tuig.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.