COUNCILOR SALANGA NAGKLARO NGA PADAYON ANG PAG ABOT SANG MGA BACOLODNON OFWs

Share on facebook
Share on google
Share on pinterest
Share on twitter
Share on print
(Bacolod CDRRMO FB Photo)

Padayun ang pagbaton sang syudad sang Bacolod sa Bacolodnon returning OFWs.

Ini apiesar sang gin pahayag ni Councilor Renecito Novero nga base sa impormasyon gikan kay OWWA Regional Director Rizza Joy Moldes, gin paboran sang OWWA ang pangabay sang LGU nga isa ka semana nga moratorium umpisa nag ligad nga Agosto 3.

Suno kay Councilor Israel Salanga, chair sang Action Team on Returning OFWs, wala pa siya nakabaton sang impormasyon ukon feedback gikan sa OWWA nga na aprubahan ang pangabay sang LGU nga suspension sang byahe sang mga OFWs.

Una nga nag pangabay ang syudad sa OWWA sang isa ka semana nga moratorium bangud puno ang mga hotel nga ginatiniran sang OFW kag may balanse pa nga dapat bayaran ang ahensya sa mga tag-iya sang hotel ukon inn.

Sa pinakaulihe nga datus gikan sa syudad, nag dangat sa 1,462 ka mga OFWs ang nabuligan papuli sa syudad umpisa Abril 28, nakatapos na sa 14-day mandatory quarantine ang 1,172 kag 285 ang aktibo nga gina-monitor.

Samtang, nag-abot sa Bacolod-Silay Airport alas 12:20 kaina sang kaagahon ang 76 ka mga repatriated OFWs paagi sa PAL Sweeper Flight nga gin-organisa sang Overseas Workers Welfare Administration (OWWA) kag National IATF.

55 sa mga ini ang residente sang nagkalain-lain nga banwa kag syudad sa Negros Occidental samtang 21 ang mga taga syudad sang Bacolod.

Sila ang gindala sa bakante nga quarantine facilities matapos kuhaan sang RT-PCR swab tests.

Una diri, nagkaproblema ang pag-akomodar sa mga returning OFWs bangud sa wala mabayaran nga bills sang OWWA sa mga hotels kag inns nga gingamit bilang quarantine areas.

May 21 ka mga hotels kag inns sa Bacolod City ang gingamit nga quarantine facilities para sa mga repatriated OFWs, kag ang OWWA amo ang nagabayad sa akomodasyon.| Aksyon Dale Salazar, Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.