COUNCILOR SALANGA NAGA PANGABAY SANG DISIPLINA SA MGA OFWs SA IPATUMAN NGA HOME QUARANTINE POLICY SANG NATIONAL IATF

Share on facebook
Share on google
Share on pinterest
Share on twitter
Share on print

Naga pangabay si City Councilor Israel Salanga sang disiplina sa mga returning OFWs kag Returning Overseas Filipino sa pag paidalum sa ila sa home quarantine sa tion nga mag abot sa syudad.

Suno kay Salanga, chair sang Action Team on Returning OFWs, nasubuan ini sang nahibaluan ang bag-o nga guideline sang National IATF nga ang may mga negative RT-PCR test nga OFWs kag ROFs ang maga diretso na sa ila balay para sa 14-day nga quarantine.

Dugang pa ni Salanga, ini nga mando ang gin papanaug sang gobyerno nasyunal kag dapat sundon sang LGU.

Base sa facebook post ni Salanga, papulion ang mga Bacolodnon OFWs nga karon naka quarantine sa mga inn ukon hotel sa syudad nga may yara na sang una nga negative RT-PCR test.

Suno sa Konsehal, ila lamang papulion ang mga OFW kon ang negative nila nga RT-PCR Test Result ang nag gwa pito ka adlaw antes ang ila nga byahe.

Gin paathag ni Salanga, maga pabilin sa hotel ang OFW kon masobra sa walo ka adlaw nag gwa ang resulta sang test antes nga nag byahe kag tapuson ang qurantine sa hotel ukon inn.

Suno sa Konsehal, ang mga maga abot nga OFWs sa Setyembre 1, 2 kag 3 ang maga tinir anay sa hotel sang lima ka adlaw bangud luyag anay i-establisar sang syudad ang bag-o nga protocol.

Lakip sa gina duso nga protocol sang syudad sa mga OFWs amo ang

  1. Sa pag abot sa airport, sugaton ang mga OFWs kag i-disinfect ang ila bagahe
  2. I-check sang otoridad ang RT-PCR resuls, kompleto nga impormasyon kag i-endorse sa Barangay
  3. Masugat ang City Bus sa Bacolod-Silay Airport kag maga byahe pa Bacolod
  4. Maga hatag sang handouts ang syudad sa mga butang nga dapat himuon samtang naka quarantine kag mga numero nga pwede nila pakigangutan.
  5. Ipatuman sang Barangay ang strict monitoring tubtob nga matapos ang 14-dias nga quarantine.

Naga pati si Salanga nga dako ini nga hangkat para sa mga OFWs kag sa ila pamilya pero naga pati nga wala sang imposible kon naga buliganay kag may disiplina.

MORE STORIES:

LIKE US ON FB

error: Ooops... You are not authorized to copy this content.