COUNCILOR SALANGA NAG PAIDALUM SA SELF-ISOLATION

Share on facebook
Share on google
Share on pinterest
Share on twitter
Share on print

Nag paidalum sa 14 dias nga self-isolation si City Councilor Israel Salanga lakip man ang iya mga staff.

Ini kasunod sang pagtaliwan sang iya staff nga si Jesryl Bancaya nga kabahin sang Action Team on Returning OFWs sadtong Dominggo kag gin kabig nga suspect Covid-19.

Sa mensahe ni Salanga nga gin padala sa Aksyon Radyo Bacolod, iya gin pahayag nga temporaryo man nag sira ang iya talatapan sa Bacolod Government Center.

Nag pasiguro ang Konsehal nga padayun nga maga bulig ang iya komitiba sa tion nga may mga gina repatriate nga OFWs kag ini sa karon ang gina pangunahan ni Victoria Parreñas, myembro sang ATRO, samtang ini ang naka-isolate.

Samtang, gin pahayag sang Konsehal, ila gin tawgan ang tanan nga public kag private hospital sa Bacolod pero wala sang bakante para sa iya staff nga gin-seizure sadtong Dominggo.

Suno sa Konsehal, may available kuntane nga room sa Cadiz Hospital pero antes nga idul-ong ang pasyente, ini ang gin bawian sang kabuhi.

VACCINATION KONTRA COVID-19 SA AYALA MALL NAG UMPISA NA

(Bacolod PIO Photo, May 8, 2021)

Ginkalipay ni City Administrator kag EOC Executive Director Em Ang nga nangin matawhay ang vaccination activity karon nga adlaw sa Ayala Mall.

Suno kay Ang, husto ang desisyon nga ginhimo sang EOC nga indi dapat pagtugutan nga maka pabakuna ukon akomodahon ang pila ka mga indibidwal nga wala maka pa rehistro ukon gina kabig nga mga walk in applicants.

Dugang pa ni Ang, ini na ang estratehiya nga ila paga gamiton umpisa sa masunod nga semana angut sa naga padayon nga vaccination program sang syudad.

Base sa plano sang EOC, yara lamang sa 200 ka mga indibidwal ang ila plano nga akomodahon kada adlaw para malikawan ang pag ginutok sang publiko ilabi na sa mga mall nga ila gin utilize bilang vaccination center. | Aksyon Art Tayhopon

APAT KA MGA KARABAO PATAY MATAPOS NAIGO SANG KILAT SA BARANGAY BACONG, BAGO CITY

Patay ang apat ka mga karabao sang Pamilya Dellosa matapos naigo sang kilat sa Purok Kalubihan, Barangay Bacong, syudad sang Bago, Sabado, Mayo 8.

Sa interview sang Aksyon Radyo kay Carlo Dellosa, 18 anyos, ang apat ka karabao ang yara sa idalum sang kawayan sang natabo ang insidente.

Suno kay Dellosa, mga las 12 kaina sang udto sang nag ulan sa ila nga lugar, nag init, antes nga nag igo ang makusog nga kilat.

Nagapati si Dellosa nga naigo sang kilat ang apat nila karabao bangud nasunog ang pila ka bahin sang lawas sang sapat.

Nagakasubo ang Pamilya Dellosa sa nadangatan sang karabao nga nagabulig sa ila sa uma. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.