COUNCILOR SALANGA: 90% SANG MGA RT-PCR TEST RESULT SANG BACOLODNON OFWs NAGA ABOT NA ‘ON-TIME’

Share on facebook
Share on google
Share on pinterest
Share on twitter
Share on print
(Councilor Israel Salanga Photo)

Naga abot na ‘on time’ ang 90% sang mga RT-PCR test result sang mga Bacolodnon OFWs samtang 10 % naman ang delay.

Ini suno kay Bacolod Councilor Israel Salanga, chair sang action team on returning OFWs.

Suno kay Salanga, sa karon nagwa na ang resulta sang mga test sa sulod sang 14 dias nga quarantine sang mga OFWs kag may mga bes man nga mas timprano nga naga gwa ang resulta.

Gin klaro ni Salanga may 10 % pa nga pending nga resulta sang test kasunod nga ang mga swab specimen sang OFWs kag LSIs nga taga Bacolod ang gin padala sadto sa laboratoryo sa Iloilo antes nag operar ang biolab sa CLMMRH.

Pinakaulihe nga batch nga nag abot sa syudad ang gina lakipan sang 37 ka mga OFWs, kaina sang kaagahon, Hulyo 15.

Samtang, nakagwa na sa quarantine facility subong nga adlaw ang 17 ka mga OFWs nga pinakaulihe nga nag negatibo sa Covid-19.

Sa record sang syudad humalin Abril 28, masobra na sa isa ka libo ang nakapuli nga OFWs sa Bacolod, kapin 800 ang cleared sa Covid-19 kag gina banta kapin 200 sa karon ang OFWs ang naga pabilin pa sa mga hotel ukon inn sa syudad. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.