COUNCILOR ROJAS NAGA PANGABAY SA MGA FOREIGNER LSI NGA RESPITUHON ANG MGA PROTOCOL NGA GINA PATUMAN SA BACOLOD

Share on facebook
Share on pinterest
Share on twitter
Share on print

Naga pangabay si City Councilor Cindy Rojas, chair sang Action Team on Reurning Non OFW Residente, sa mga LSI kag ila mga upod nga foreigner nga dapat may malawig nga pasensya kag respituhon ang mga health protocol nga gina patuman sang LGU.

Ini kasunod sang insidente nga gin alegar pag buyayaw sang pila ka mga dumuluong nga LSI sa staff ni Rojas sadtong Oktubre 2.

Suno sa Konsehal, iya na intiendihan ang mga LSI nga luyag makapuli sa Bacolod kasunod sang malawig nga moratorium nga gin patuman nag ligad nga Setyembre kag iban sa ila ang wala na sang pasensya.

Pero suno kay Rojas, may mga foreigner nga partner sang LSI ang wala naga kumporme sa mga health protocol nga gina patuman sang syudad.

Suno kay Rojas, karon nga ‘extraordinary times’ dapat may yara sang ‘extraordinary patience’ bangud ila man gina tinguhaan nga ma akomodar ang mga naga puli nga LSI.

“May ara kita mga taga Bacolod nga may upod nga foreigners nga partner. Amo ni sila ang sige naga reklamo, indi sila kumporme sa aton nga health protocol,” suno kay Rojas.

Nag panugyan si Rojas sa mga naga puli nga ang syudad kag Bacolod CHO ang naga halong sa mga gina patuman nga protocol.

Suno pa sa konsehal, may yara man sang LSI nga naga kooperar kag nakabalo na sang ila madangatan sa pag abot sa syudad.

Samtang, gin palayag ni Rojas, nga tubtob tatlo ka adlaw naga gwa na ang negatibo nga resulta sang swab test sang mga LSI kag sila ang gina release gilayon pero padayunon ang home quarantine tubtob nga matapos ang 14 dias.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.