COUNCILOR RAMOS NAG KLARO NGA ‘ROTATION’ ANG MGA DRIVER SA ‘LIBRE SAKAY’ PROGRAM

Share on facebook
Share on pinterest
Share on twitter
Share on print

Gin pahayag ni City Councilor Dindo Ramos nga ‘rotation’ ang mga driver nga maga pakigbahin sa “Libre Sakay” nga programa sang Bacolod para sa mga medical kag essential workers.

42 ka mga drivers ang naga byahe sa pito ka mga rota sa Bacolod.

Ang kada rota ang may anum ka mga jeep, tatlo ang para sa essential workers kag tatlo ang para sa medical workers.

Suno kay Ramos, chair sang committee on transportation, kada adlaw maga lain-lain ang mga drivers nga ila paga kuhaon sa tuyo nga ang iban nga drivers ang mahatagan sang oportunidad.

Ang syudad ang maga pakigangut sa iban nga transport groups ukon asosasyon para maka avail man ang iban nga driver.

Ang driver ang makabaton sang 3,000 pesos lakip na dire ang arkila, gasolina kag income sang driver.

Suno pa sa Konsehal, ang LTFRB Region 6 amo ang maga proseso sang special permit sang mga driver para legal ang ila nga pag byahe sa syudad karon nga MECQ.

Naga laum si Ramos nga mabayaran ang mga driver isa ka adlaw matapos ang ila nga pag trabaho.

Ang Libre sakay ang maga lawig samtang ang Bacolod ang yara sa MECQ. | Aksyon Dale Salazar

What’s your Reaction?
+1
0
+1
0
+1
0
+1
0
+1
0
+1
0
+1
0

116 KA MANUGSAGOD SANG BABOY SA TALISAY KAG SILAY NAKABATON SANG BULIG PINANSYAL

116 ka mga manugsagud baboy ang nakabaton sang bulig pinansiyal sa idalom sang Hog Raisers Assistance Program sang gobyerno probinsiyal sang Negros Occidental.

Ini nga mga benepisyaryo ang naghalin sa syudad sang Talisay kag Silay nga naapektohan sang pamalatian sang baboy, ilabi na ang hog cholera kag African Swine Fever (ASF).

Sa record sang Provincial Social Welfare and Development Office, may kabug-usan nga 5,000 ka mga benepisyaryo ang pagahatagan sang pinansiyal. Ang pagpanagtag ginapatigayon paagi sa ‘batch by batch’ sandig sa ila compliance sa mga ginaobligar nga dokumento.

Nagligad nga Pebrero, kapin sa 800 ka mga hog raisers sa 4th kag 5th districts nga ang ila mga ginasagud nga baboy ang nahalitan sang ASF, ang ginhatagan sang bulig pinansiyal.

Sa karon may mga hog raisers sa gihapon nga padayon naga-comply sa mga requirements, pareho sang certifications sa barangay kag Municipal Disaster Risk Reduction and Management Offices. | Capitol PIO Photo

What’s your Reaction?
+1
0
+1
0
+1
0
+1
0
+1
0
+1
0
+1
0

LALAKI, PATAY SANG GINTIRO MATAPOS NASAL-AN NGA KONTRA SANG SUSPECT

Patay ang isa ka lalaki matapos masal-an nga amo ang kontra sang suspect sa nagluntad nga shooting incident sa Sitio Kantinakip, Barangay Sikatuna banwa sang Isabela, las 11 kagab-i, Marso 26.

Suno kay Police Captain Arjay Dangarang, hepe sang Isabela PNP, nagalakat ang biktima nga si Randy Labinoy, 39 anyos sa ka sagingan sang hinali nalang nga ginluthang sang wala pa ginhingadlan nga suspetsado gamit ang wala pa mahibaluan nga armas luthang igo sa nawala nga tyan nga amo ang gintunaan sang iya kamatayon.

Sa inisyal nga imbestigasyon sang kapulisan, base sa mga saksi napasibangdan lang si Labinoy nga amo ang kontra sang suspect nga nahibaluan may madugay na nga away.

Palayag ni Dangarang nga dulom ang lugar rason nga lain nga tawo ang naluthangan sang suspect.

Sa karon, padayon pa ang ginapatigayon nga imbestigasyon kag pag pangita sang dugang nga saksi para ma kumpirmar ang identity sg suspect.

What’s your Reaction?
+1
1
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.