COUNCILOR RAMOS: LTFRB 6 NAG HATAG SANG TION SA MGA OPERATOR NGA MAG PROSESO SANG SPECIAL PERMIT

Share on facebook
Share on pinterest
Share on twitter
Share on print

Gintugyanan ni Bacolod Councilor Dindo Ramos ang mga operator sang Public Utility Vehicles ukon PUVs nga mag proseso sang special permit sa LTFRB Region 6.

Ini matapos ang consultative meeting nga gin patigayon ni Ramos, chair sang committee on transportation, upod ang mga operator kag driver sa session hall sang Bacolod Government Center, Mayo 19.

Una nga nag pabutyag sang kahangawa ang mga drivers nga mag byahe bangud posible dakpon sila sang LTO kon wala sang special permit.

Ang special permit ang requirement para mag biyahe sa mga lugar nga gin paidalum sa General Community Quarantine, base man sa guideline sang LTFRB Central Office.

Suno kay Ramos, ang pagkuha sang special permit ang pwede online sa sulod sang isa ka adlaw bangud wala man sang satellite office ang LTFRB sa Bacolod kag ini ang libre.

Lakip sa mga requirement sa pagkuha sang special permit amo ang OR-CR kag insurance.

Suno kay Ramos, iya na- istorya si LTFRB Regional Director Richard Osmeña kag ginpahayag nga indi kinahanglan nga ara sa isa ka kooperatiba para mag-apply sang special permit.

Dugang pa sang Konsehal, gin pasiguro man sa iya ni Osmeña nga wala sang ‘massive apprehension’ kag hatagan sang nagakaigo nga tion ang mga operator nga mag proseso sang special permit.

Suno pa kay Ramos, madamo naman sang mga jeep sa syudad ang nag comply sa pag butang sang barrier para masiguro nga 50% lamang sang pasahero ang makasakay.

Samtang, gin pahayag ni Ramos, ang bag-o nga fare matrix amo ang 9 pesos sa una nga apat ka kilometro kag dugang nga 1.50 pesos sa succeeding kilometer.

Gin paathag ni Ramos, ang taripa ang makuha sang driver sa tion nga mahatagan ang driver sang special permit. | Aksyon Dale Salazar

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.