MENU

COUNCILOR NOVERO GINA DUSO NGA PAPANAUGAN SANG PENALIDAD ANG GINIKANAN NGA NAGA PABAYA SA ILA BATA SA DALAN NGA WALA NAGA SUNOD SA PROCOTOL

  • at 6:43 pm
Share on facebook
Share on pinterest
Share on twitter
Share on print

Gina balay sa karon ni Councilor Renecito Novero ang ordinansa nga maga papanaug sang penalidad sa mga ginikanan nga wala naga saway sa ila mga menor de edad nga bata nga naga hampang sa dalan kag wala naga suksok face mask karon nga Covid-19 Pandemic.

Ini ang mangin tikang ni Novero matapos ini ang gin pangabay sang mga kapitan sa vitual meeting upod si Mayor Evelio Leonardia kag Vice Mayor EL Cid Familiaran kahapon nga adlaw, Martes.

Gin paathag ni Novero, ang mga menor de edad ang exempted sa criminal liability kag yara sa ginikanan ang responsibilidad sa pag saway sa ila bata kasunod nga tuman ka dako sang risgo sang Covid-19.

Gina balay man ni Novero ang proposed ordinance nga papanaugan sang penalidad ang mga persona nga naga halin sa ila purok sa tion nga mahibaluan nga may lockdown nga ipatuman.

Suno kay Novero, makabig nga problema kon ang nag palagyo ang nag positibo sa virus kag posible makalaton sa iban nga tawo.

Sa karon, gina draft pa ni Novero sang proposed ordinance nga gina paabot ma aprubahan sa first reading sa masunod nga semana. | Aksyon Dale Salazar

What’s your Reaction?
+1
0
+1
0
+1
0
+1
0
+1
0
+1
0
+1
0

REGULAR EMPLOYEE SANG BACOLOD GIN REKLAMO NGA NAG TAMPER SANG RESIBO

April 24, 2024

Gina imbestigahan sang syudad sang Bacolod ang gin alegar pag tamper sang resibo nga gin isyu sa violator nga gin isyuhan sang citation ticket sang Bacolod Traffic Authority Office.

Suno kay Jose Antonio Robello, deputy head sang BTAO, 2,300 pesos ang penalidad sang lalaki nga violator bangud nag maneho sang motorsiklo nga wala sang helmet kag driver’s license nagligad nga Abril 18, 2024.

Sa amo nga penalidad, 1,000 pesos ang bayad sa towing, samtang 1,300 pesos sa pag drive nga wala sang helmet kag wala sang lisensya.

Ginpahayag ni Robello, nagbayad ang violator sang 1,300 pesos sa babaye nga cashier sang City Treasurer’s Office nga assign sa BTAO pero gin alegar 300 pesos lamang ang gin encode.

Gin alegar nga ginbutangan sang cashier sang ‘1’ ang resibo para ini ang mangin 1,300 pesos.

Suno kay Robello, sa ila nga pag usisa, 300 lamang ang nagsulod sa system nga bayad bisan 1,300 ang ginbayaran sang violator.

Ang reklamo ang una gin padangat sa Isugid kay Mayor nga programa. Ang cashier nga ginareklamo ang isa ka regular nga empleyado.

Luyag lamang ni Robello nga maklaro nga wala sang BTAO personnel ang imbolbado dire.

Ginklaro sini nga wala sila nagabaton sang kwarta nga bayad sang mga violator kundi naga isyu lamang sang citation ticket.

REAKSYON NI MAYOR ALBEE

Dismayado si Bacolod Mayor Albee Benitez sa nabaton nga reklamo batuk sa cashier sang City Treasurer’s Office nga assign sa BTAO bga gin reklamo nga nag tamper sang resibo.

Sa interview sang media, Myerkules, ginpahayag sang Alkalde, nga atubangon sang regular nga empleyado ang konsekwensya kag ini ang ipaidalum sa due process.

Ginkumpirmar ni Benitez nga gin saylo na ang ginareklamo sa iban nga trabaho kag indi na cashier nga assign sa BTAO. Ginpahayag ni Benitez, indi na sini kinahanglan nga suliton ang iya panindugan batuk sa korapsyon kag posible luyag nila nga may ma ‘sampolan’.

Gina kilala naman sang alkalde ang mga tawo nga nagapangisog nga mag reklamo kontra korapsyon bangud nagapati nga ang pagtinlo sa gobyerno ang indi lamang iya responsibilidad.

Nagpasiguro si Benitez nga iya gilayon aktuhan ang mga ginapadangat nga reklamo.

What’s your Reaction?
+1
0
+1
0
+1
1
+1
0
+1
0
+1
0
+1
0

GINAREKLAMO NGA TUBO SA TUNGA SANG DALAN SA MANSILINGAN TUBTOB KARON WALA PA MAKUHA

April 24, 2024

Natalana nga magpasar sang resolusyon ang Barangay Mansilingan Council nga nagapangabay sa Baciwa-Primewater nga sayluhon ang ila dako nga tubo nga yara sa tunga sang dalan.

Ginpahayag ni Kapitan Franz Tionko, Myerkules, madugay na nila ini ginpangabay sa Baciwa-Primewater pero tubtob karon wala pa makuha.

Suno sa Kapitan, indi sini luyag nga may ma aksidente bangud sa amo nga tubo kag indi man maayo tulukon nga may obstruction sa dalan ilabi na nga ini ang makit-an sa entrada sang Barangay sa ginpatahum nga welcome arch.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.