COUNCILOR NOVERO GIN INSPECT ANG YOLANDA HOUSING PROJECT SA SILAY

Share on facebook
Share on google
Share on pinterest
Share on twitter
Share on print

Wala pa sang Bacolodnon nga nag positibo sa Covid-19 ang gin dala sa Yolanda Housing Project sa Barangay E.Lopez, syudad sang Silay.

Suno kay Councilor Renecito Novero, chair sang Quaratine Center Action Team, kahapon nga adlaw, Setyembre 6 sang ila gin bisitahan upod ang City Engineer’s Office nga mga personnel ang amo nga isolation facility nga may masobra 500 ka mga unit.

Dugang pa ni Novero, ‘okay’ ang quarantine facility kag may yara lamang sang idugang nga mga kagamitan.

“Okay man ang mga units although may mga kakulangan. Basically mayo man except nga wala sang kahoy ti mainit,” suno sa konsehal.

Gin paathag sang Konsehal, ang ini nga isolation facility ang reserba sang LGU sa tion nga indi na ma akomodar ang mga nag positibo sa syudad.

May pila man ka unit suno sa Konsehal nga gin butangan sang mga positibo gikan sa probinsya.

Sa karon suno kay Novero, may dugang nga mga public school nga gina preparar sang syudad nga himuon nga quarantine facility nga target matapos subong nga semana.

Target sang LGU ang 23 tanan ka public school sa syudad nga himuon nga quarantine center. Sa karon, may existing nga 11 ka mga public schools kag isa ka private school nga isolation facility ang Bacolod.

MORE STORIES:

LIKE US ON FB

error: Ooops... You are not authorized to copy this content.