Naga pangabay si Liga ng mga Barangay President Lady Gles Gonzales sa mga Kapitan sa syudad nga i-activate sa madali nga panahon ang pagpahamtang sang Barangay Health Emergency Response Team ukon BHERTS sa kada purok.
Suno kay Gonzales, sa idalum sang memorandum sang DILG dapat may yara sang isa ka BHERTS sa kada lima ka libo nga populasyon pero bangud gina paabot ang pag inabot sang mga Locally Stranded Individual dapat ang kada purok ang may yara sang team nga mag monitor sa ila.
Ang BHERTS ang gina bug-usan sang isa ka Executive Secretary, Barangay Health Worker kag duha ka Barangay Tanod.
Gin paathag ni Gonzales nga bangud sa kakulang sang barangay personnel, may yara lamang sang volunteer nga i-assign sa isa ka purok para mag monitor sa naga abot nga mga LSI.
Sadtong Lunes sang hapon sang gin sapol ni Mayor Evelio Leonardia ang mga kapitan kag iya gin pangabay nga i-intensify ang monitoring sang BHERTs sa kada barangay. | Aksyon Dale Salazar