COUNCILOR GAMBOA POSIBLE MAGAPAPILI SA MAS MATAAS NGA POSISYON SA 2022

Share on facebook
Share on google
Share on pinterest
Share on twitter
Share on print

Ginpahayag ni Councilor Wilson Gamboa Jr nga may apat ini ka options para sa iya nga karera sa patag sang politika.

Si Gamboa ang isa sa mga konsehal sa Bacolod nga magatapos ang termino sa 2022.

Suno kay Gamboa, lakip sa iya nga options amo ang pagpapili sa mas mataas nga posisyon kaangay sang Vice Mayor, Mayor ukon Congressman ukon may option man ini nga magpahuway sa politika.

Dugang pa ni Gamboa, bangud siya ang nagaisahanon nga opposition sa konseho, magapadayon ini sa pagtrabaho.

Sa karon, suno sa Konsehal, plano sini nga magtukod sang ‘credible’ nga team nga maka enkwentro sa Grupo Progreso.

GRUPO SA BACOLOD GINADUSO SI VP ROBREDO NGA MAGPAPILI PRESIDENTE

Magapatigayonn sang signature campaign sa syudad sang Bacolod ang grupo sang “Bunyog Pagkakaisa” agud magpakita sang suporta para kay Vice President Leni Robredo.

Suno kay Thezz Polano, tuyo sang ila hanay nga magpakita sang suporta kay Robredo agud magpapili ini bilang presidente sa 2022 National election.

Nagapati si Polano nga ang performance ni Robredo nagapakita nga makasarang ini sa pagdumula sang pungsod. | Aksyon Alvin Grava

BANGKAY SANG LALAKI, NASAPWAN

Tubtub karon wala pa makilala ang bangkay nga nasapwan sa baybayon sa boundary sang siudad sang Bacolod kag Buenavista, Guimaras kaina sang aga. Pebrero 24.

Nakita nanday Joey Sanchez kag Charlie Chavez sang Barangay Sum-ag syudad sang Bacolod ang bangkay mg alas otso y media kaina sang aga, Myerkules.

Ginpakamaayo ni Sanchez kag Chavez nga indi na lang magpangisda sa baylo gin-guyod nila ang patay pahigad gamit ang lubid pakadto sa suba sang Barangay Sum-ag.

Nag-abot man ang Scene of the Crime Operatives ukon SOCO sa suba sang Barangay Sum-ag agod magkuha sang mga ebidensya sa crime scene.

Suno kay Police Lt. Lanie Deriada hepe sang Police Station 9 ang bangkay isa ka lalaki, ginabulubanta nagapangidaron sang 20 anyos, 5’0 ang height kag karon  nahaya na sa Villanueva Funeral Parlor sa Barangay Mansilingan.

Sarang makapakig-angot ang pamilya sa Police Station 9 para sa dugang nga impormasyon. | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.