Nagdaug bilang Presidente sang Philippine Councilors League- Negros Occidental chapter si Silay City Councilor Ryan Gamboa sa gin patigayon nga eleksyon, Setyembre 5.
Sa boto nga 179, gin pierde ni Gamboa ang iya kasumpong nga si Sagay City Councilor Arthur Christopher Marañon nga nakakuha naman sang 148 ka mga boto.
Ginsundan naman si Gamboa ni Julius Martin Asistio, bilang Vice –President; Rey Cordova bilang Secretary General; Julie Ann Vasquez bilang Treasurer; Miguel Zayco bilang Auditor; Audie Malaga bilang PRO; Virgie Pastor bilang Business Manager kag mga Federation Directors nga sanday; Janet Villafranca, Armando Alvarez, Vicente Perez, Lorlan Evangelista, Rolin Albert Meliton, Victor Michael Javellana, Elizabeth Andrino kag Mikaela Escalante.
Samtang, pagatutukan ni Gamboa ang paghatag pagtamod sa mga programa para sa mga lugar sa probinsiya nga mas nagakinahanglan sang bulig.
Suno kay Gamboa, may yara na sila sang listahan sang mga lugar kag ginapaabot nga ini ang unahon nila nga pagahambalan kaupod sang mga bag-o man napili bilang opisyales sang PCL.
Nagapati naman si Gamboa nga sa pihak nga lain-lain ang ila partido, maga-isa sila sa tuyo nga makahatag sang bulig sa pomuluyo sa probinsiya.
Nagpasalamat si Gamboa sa iya kasumpong nga nga nagsunod sa ginkasugtan nga ano man ang resulta, parehos nila nga suportahan ang tagsa-tagsa ilabi na ang mga programa nga madihon sang grupo.
Suno kay Marañon, isa lamang ang ila pangabay nga kuntani indi sila pagpabay-an kon ano man ang kaayuhan sang pihak nga partido, bilang mga miembro man sang grupo. | Aksyon John Dias, Aksyon Ann Defensor