COUNCILOR GAMBOA NAG SUHESTYON NGA MEDICAL EXPERT KUNTANE ANG GIN BUTANG SA LOCAL IATF

Share on facebook
Share on google
Share on pinterest
Share on twitter
Share on print

Ginpahayag ni City Councilor Wilson Gamboa Jr. nga dapat medical expert ang ginbutang sa Local IATF sa baylo nga mga opisyal sang syudad.

Sa interview sang Aksyon Firing Line, gin pahayag ni Gamboa, ang mga opisyal sang syudad dapat magahimo lang sang ordinansa kag maghatag suporta sa ano man nga ginarekomendar sang mga medical experts pareho sang doctors, epidemiologists kag iban pa, nga makabulig sa pagpahagan hagan sa paglapta sa COVID-19.

Dugang pa ni Gamboa, pareho lang nga ginbutang sang syudad sa peligro ang kabuhi sang mga wala nahanas nga mga Job Order casuals nga ginhimo bilang frontliners partikular sa pagsugat sa mga OFWs kag LSIs nga ginadala sa mga quarantine centers.

Samtang, OO ang nangin sabat ni Gamboa sang gin pamangkot kon bala palpak ang gintukod nga Local -IATF sa syudad agod magtutuk sang COVID-19.

Samtang, ginkontra ni Gamboa ang natabo nga pagpasar sang ordinansa nga nagahatag sang Emergency Authority kay Bacolod Mayor Evelio Leonardia nga magdesisyon kon ano ang ipatuman nga protocol sa syudad sa idalum sang Modified GCQ ang syudad.

Suno kay Gamboa, may tatlo siya ka rason sa pagpamatok sa ordinansa, una nga yara sa Local Government Code ginasaad nga pwede makapatuman sang drastic measures ang alkalde sa tion nga sang emergensiya.

Ikaduha, mahimo nga halinan ini sa pag-sobra sa limitasyon nga ginhatag sang National -IATF kag ang ikatatlo, pareho lang nga gin-surrender sang Sangguniang Panlungsod ang deritso sini para mag usisa sang patas kag balanse sa tanan nga ordinansa, resolusyon, reklamo sang publiko kag iban pa.

Ginklaro ni Gamboa nga wala sini ginapakanubo ang mga tikang sang syudad nga ginahimo batuk sa COVID-19 sa baylo ang ponto nga paghatag sang ’emergency power’ kay Leonardia. | Aksyon Ann Defensor

MORE STORIES:

LIKE US ON FB

error: Ooops... You are not authorized to copy this content.