COUNCILOR GAMBOA NAG SUHESTYON NGA MAG TUKOD SANG MAKESHIFT HOSPITAL USAR ANG PONDO PARA SA COLISEUM

Share on facebook
Share on google
Share on pinterest
Share on twitter
Share on print

Gina suhestyon ni City Councilor Wilson Gamboa Jr. nga i-realign ang 800 milyones pesos nga pondo para sa pagtukod sang Bacolod MassKara Coliseum para sa pag himo sang makeshift hospital ukon isolation facility.

Suno kay Gamboa sa tion sang emerhensya pwede maka realign ang gobyerno sang pondo para sa Covid related expenses.

Ini ang panawagan ni Gamboa matapos nga suno sa iya may Covid-19 positive nga napatay bangud sa cardiac arrest sa iya nga balay matapos nga wala sang hospital nga nag baton.

Suno kay Gamboa, indi epektibo ang mass testing sa pag panubo sang Covid-19 cases kon wala sang naga kaigo nga mga isolation facilities para sa mga nag positibo.

Suno sa Konsehal ang pondo para sa Coliseum kag iban pa nga infrastructure projects ang nga indi karon kinahanglanon ang pwede nga ma re-align para sa nasambit nga mga proyekto.

Lakip pa sa gina suhestyon sang Konsehal ang pag bakal sang mga Covid-19 related medicines nga gina rekomendar sang DOH kag World Health Organization para sa may mga mild kag moderate patients kag ang emergency hiring sang mga trained health workers kag doctors nga maga pangalagad sa makeshift facilities.

MORE STORIES:

LIKE US ON FB

error: Ooops... You are not authorized to copy this content.