COUNCILOR GAMBOA DISMAYADO SA PAGBASURA SANG GINADUSO NGA RESOLUSYON NGA NAGAPANGABAY SANG LIQUIDATION SA 119M PARA SA COVID-19 RESPONSE

Share on facebook
Share on google
Share on pinterest
Share on twitter
Share on print

Dismayado si Bacolod City Councilor Wilson Gamboa Jr. sa natabo nga pagbasura sang iya resolusyon nga naga tuyo ma-liquidate ang pondo nga gin hatag sang gobyerno para sa COVID-19 response sang syudad sang Bacolod.

Una diri, ginpangabay ni Gamboa ang liquidation para sa 119 milyones pesos nga Bayanihan grant sa tuyo nga mapahibalo ang publiko kon ano ang gin gamitan para sa tikang sang syudad agod ma-address ang health crisis nga nadulot sang COVID-19 pandemic.

Sa interview sa Aksyon Firing Line kaupod ni Aksyon Bryan Morden, ginpahayag sang konsehal nga pareho lang nga ginpatay sang konseho ang iya resolusyon matapos nga wala man sang paathag ang pagbasura sini sa Sangguniang Panlungsod.

Paathag ni Gamboa, ginduso sini ang resolusyon sa tuyo nga mahibaluan kon diin nagkadto ang pondo kag para basehan sa panibag-o nga pondo nga ihatag sang gobiyerno nasyunal sa idalom sang Bayanihan law 2.

KASO ADMINISTRATIBO IPASAKA BATUK SA CANDONI POLICE NGA NAGPOSITIBO SA DROGA

Natalana nga ipasaka sa masunod nga simana ang kaso administratibo batok sa pulis nga Candoni nga nagpositibo sa illegal nga druga.

Suno kay Negros Occidental Police Provincial Office ukon NOCPPO Deputy Spokesperson PLt Abegael Donasco, ginhatagan liwat sang isa pagid ka simana ining corporal agud makapaathag sa iya bahin.

Dugang ni Donasco, tanan nga proseso ginpatuman sa iya, antis pana man mapasakaan sang kaso. Ining pulis gin-assign gilayon sa Regional Office sang PNP kag dis-armado.

Madumduman, naga-isahanon siya nagpositibo sa lima nga ginpa-idalum sa drug test sadtong Deciembre 2020. | Aksyon Bryan Morden

BACOLOD MAY YARA NA LAMANG SANG 10 KA VACCINATION CENTERS

May yara na lamang sang 10 ka mga vaccination centers ang syudad sang Bacolod para sa pagbakuna sa tion nga mag abot na ang Covid-19 vaccines.

Suno kay Councilor Renecito Novero, chair sang vaccination action center team, humalin sa 22 ka proposed vaccination centers, ini ang ginpanubuan sa 10, base man sa ginkasugtan sa damlag lang pagsinapol sang Covac council.

Ginpaathag ni Novero, nagakaigo na ang pulo ka vaccination centers bangud kon pasubrahan posible indi ini masarangan sang mga healthcare personnel, resources, ukon logistics. Ang vaccination centers ang nahamtang sa strategic areas.

Sa karon, indi pa mapalayag ni Novero ang lugar bangud ginavalidate pa ini sang iya team, Bacolod City Health Office, City Engineer’s Office kag iban pa.

Ang syudad ang una na nga nagbakal sang 650,000 doses sang vaccine gikan sa AstraZeneca pero wala pa mahibaluan kon san-o ini maga-abot. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.