CORPORAL SANG 94TH IB GINTIRO-PATAY SA SYUDAD SANG GUIHULNGAN

Share on facebook
Share on google
Share on pinterest
Share on twitter
Share on print

Patay ang isa ka Corporal sang 94th Infantry Battalion matapos gin luthang sang wala pa makilal-an nga mga armado nga persona sa Sitio Kasingan, Brgy. Trinidad Guihulngan City las 8:30 sang aga, Nobyembre 4.

Ginkilala ang napatay kay CPL Rex Deramas, Assistant Detachment commander.

Suno kay Superintendent Mario Baquiran, hepe sang Guihulngan PNP, yara sa lugar si Deramas para manindahan sang ila mga kinahanglanon.

Angkas ni Deramas si Civil Active Auxiliary Jojo Sandot kag may 4 pa ka CAA. Dugang pa ni Baquiran, sa ila pag tan-aw na pattern na sang mga suspetsado nga kada dominggo nga adlaw, naga panindahan sanday Deramas.

Sa pag pangusisa sang kapulisan sa mga testigo, nahibalu-an nga indi mag nubo sa 7 ka persona ang nagpalapit kay Deramas kag gin luthang siya sang maka pila ka beses sa nagkalain-lain nga bahin sang iya lawas nga amo ang gin tunaan sang iya kamatayon samtang nakadalagan naman palayo si Sandot.

Na rekober sa crime scene ang 10 ka basiyo sang calibre 45 nga armas luthang.

Samtang nadula naman ang armas luthang ni Deramas pati na ang iya cellphone kag wallet. Base man sa mga testigo, matapos gin himo ang krimen,nag pakilala ang mga suspetsado nga miembro sang Communist Party of the Philippines-New People’s Army ukon CPP-NPA kag gilayon nga nag palagyo sa wala mahibalu-an nga direksyon. | Via Aksyon Eden Aboso

MORE STORIES:

LIKE US ON FB

error: Ooops... You are not authorized to copy this content.