CONG GREG LIWAT NGA NABIKTIMA SANG FAKE NEWS

Share on facebook
Share on google
Share on pinterest
Share on twitter
Share on print
(Litrato gikan kay Congressman Gasataya)

Dismayado si Congressman Greg Gasataya angut sa panibag-o nga fake news nga gin palapta sang isa ka persona nga nag gamit sang iya ngalan para biktimahon ang mga residente sang duha ka mga Barangay subong nga adlaw Sabado Abril 25.

Suno kay Gasataya, naka baton na lamang sya sang tawag kaina sang aga angut sa natabo nga pag hulat kag pagbantay sa dalanon sang madamo nga mga pumuluyo sang Barangay Sum-ag kag Punta Taytay nga naga paabot maka baton sang iya gina panagtag nga mga relief goods.

Dugang pa ni Gasataya, dako nga pagpatalang sa publiko ang amo nga impormasyon nga naga tuyo lamang nga gub-on ang iya ngalan.

Pagklaro pa sang Kongresista nga kon may yara gid man sang patigayunon nga food packs distribution, ini ang gina koordinar sang iya talatapan sa natungdan nga mga opisyales sang Barangay kag personal nga gina dul-ong sa puluy-an sang tagsa ka mga benepisaryo agud ma likawan ang risgo kag gina kabalak-an nga paglapta sang COVID-19.

Base sa nakuha nga impormasyon ni Gasataya, isa ka indi kilala nga persona nga naga sakay sa motorsiklo kag naga suksok sang pula nga bayo ang responsable sang amo nga modus. | Aksyon Art Tayhopon

MORE STORIES:

ANU ANG IMO MA KOMENTO?