COMMERCIAL FLIGHT MAGA BALIK SA HUNYO 8

Share on facebook
Share on google
Share on pinterest
Share on twitter
Share on print

Balik na ang commercial flight sa Hunyo 8.

Ini suno kay Councilor Israel Salanga matapos sila nga gin pabalo kasunod sang pag sinapol sang Civil Authority Aviation of the Philippines ukon CAAP kaina sang aga, Hunyo 3.

Suno kay Salanga, chair sang Action Team on Returning OFWs, plano pa kuntane niya nga mag-author sang resolusyon nga naga pangabay sa National IATF nga ikonsider ang pag schedule sang flight sang mga returning OFW residents sang Bacolod sang tatlo ka beses sa kada semana.

Suno sa Konsehal, luyag sini nga mangin organisado ang flight bangud wala naga palarehos ang flight schedule kag may mga beses man nga wala naga dayun ang byahe.

Suno sa konsehal, natalana nga ila talakayon ang ini nga development upod si Mayor Evelio Leonardia kag Vice Mayor El Cid Familiaran. | Aksyon Dale Salazar

PANGABAY NI CONG GASATAYA NGA DUGANG NGA SENIOR CITIZENS NGA MAKABENEPISYO SANG SOCIAL PENSION, VERIFIED NA SG DSWD

Na-verified na sang Department of Social Welfare and Development (DSWD) ang request ni Bacolod Lone District Congressman Greg Gasataya nga dugang nga senior citizens nga makabenepisyo sang social pension.

Sa interview sa Aksyon Hotline, ginpahayag ni Gasataya nga sa karun 2,700 lamang ang existing nga benepisyaryo sang social pension sa Bacolod. Ang mga nasambit nga pensioners ang wala gid sang may ginabaton nga anu man nga pension kaangay sang SSS, GSIS kag iban pa.

Suno kay Gasataya, 4,000 ka mga senior citizens ang nadugang sa listahan sa diin beripikado na man ini sang DSWD.

Nahibaloan, ang nasambit nga mga pensioners ang nagabaton sang P500.00 kada bulan gikan sa DSWD.

Dugang pa ni Gasataya, may gin-file na man nga hagna nga nagapadugang sang social pension apang sa karun pending pa ini sa kamara.

BACOLOD DILG CHIEF MADAYAG, NEGATIBO ANG RESULTA SA COVID19 TEST

Nabaton na ni Bacolod City DILG chief Ma. Joy Marideth Madayag ang resulta sang iya swab test nga gin patigayon tinalikdan nga Lunes.

Suno kay Madayag, nangin negatibo ang resulta sang iya RT-PCR test nga nangin kabahin sang precautionary measure nga ginhimo sang ila talatapan bangud sa pag positibo sang isa nila ka empleyado sa Region 6.

Dugang pa ni Madayag, nagpatigayon sang Regional Conference ang ila talatapan tinalikdan nga semana gani ang amo nga RT-PCR test ang isa sang mga requirement agud ipasiguro nga ini ang hilway sa COVID 19.

Liwat naman nga nagpatigayon sang disinfection ang iya talatapan karon nga adlaw, samtang natalana naman nga maga balik ang ila operasyon sa DILG Bacolod sa bwas nga adlaw Enero 28.

MORE STORIES:

LIKE US ON FB

error: Ooops... You are not authorized to copy this content.