COMELEC BACOLOD NAG-RESUME NA SA VOTER REGISTRATION

Share on facebook
Share on google
Share on pinterest
Share on twitter
Share on print
(Comelec Bacolod FB Page File Photo)

Nag balik na ang voter registration sa Commission on Elections ukon Comelec Bacolod subong nga bulan sang Oktubre.

Madumduman, gin suspend ang voter registration sang gin patuman ang Modified ECQ sa Bacolod tinalikdan nga Septembre. Suno kay Bacolod Election Officer Atty. Jan Anthony Saril, Oktubre 1 sang nag umpisa sila baton sang mga nag parehistro.

Ang Comelec Bacolod ang bukas sa adlaw sang Martes tubtob Sabado para sa voter registration umpisa las 8 sang aga tubtob las 3 sang hapon samtang sirado naman sa adlaw sang Dominggo kag Lunes.

Tubtob sa 100 ka mga tawo ang ma akomodar sang Comelec Bacolod sa kada adlaw.

Suno kay Saril, madiotay ang mga naga parehistro sa karon kag iya dire gin ehemplo ang 55 registrants lamang sa sulod sang tatlo ka adlaw sadtong Oktubre 1 tubtob 3.

Nag pahanumdom si Saril sa maga registrant nga sundon ang No Face Shield, No Face Mask Policy.

Nag pasiguro man si Saril nga maga comply ang ila talatapan sa Bacolod Contact Tracing System ukon Bac-Trac Ordinance sang syudad.

Samtang, naga pabilin nga suspendido ang satelitte kag special voter registrations. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.