COL. PICO NAG KLARO NGA WALA SANG ‘BOGALON DRUG GROUP’ SA KABANKALAN CITY

Share on facebook
Share on pinterest
Share on twitter
Share on print

Ginklaro ni PCol. Mary Rose Salve Pico, Hepe sang Kabankalan PNP nga wala na naga-exister ang Bogalon Drug Group sa Syudad sang Kabankalan.

Pagpaathag ni Pico, ang mga nagkaladakpan nga gina-angut sa Bogalon, mga galamay nalang nila sang una, apang mga magagmay nalang ang mga ini.

Suno pa sa hepe, napatay na kag nagkaladakpan naman ang iban nga amo ang naga-uyat sadto sang amo nga grupo kag wala na sang may lider sa sini nga tini-on.

Luyag man ipalab-ot ni Pico sa mga pamilya Bogalon sa amo nga syudad nga wala sila sang kahilabtanan kun gina-angut sa ila apilyedo ang mga nagakaladakpan.

Tinakikdan nga adlaw, may nadakpan sa drug buybust operation nga ginatudlo miyembro sang Bogalon group. | Aksyon Bryan Morden

What’s your Reaction?
+1
0
+1
0
+1
0
+1
0
+1
0
+1
0
+1
0

SALAKYAN NGA GINKAKASAN SANG LGU LOGO KAG GINPULI SANG BTAO HEAD, NABALIK NA

Nabalik na ni BTAO Head Patrick Lacson ang isa ka bag-o nga salakyan sa idalum sang MABB Cab system nga nakuhaan sang litrato nga naka park sa gwa sang iya balay kag ginkuha ang logo sang syudad.

Una nga gin post ang litrato sang Toyota Avanza sa Bacolod Exposed FB private group nga kabahin sang 10 nga ginbakal sang LGU para sa MABB Cab.

Sa phone patch interview, Biernes, ginpahayag ni Lacson, nga isa ka adlaw kag tunga naglawig ang salakyan sa iya kag nagpadala na ini sang letter of apology kay Mayor Albee Benitez.

Pero ginpaathag ni Lacson, wala ini sang malain nga intensyon kag may yara lamang sang miscommunication nga natabo.

Ginpaathag ni Lacson, November 2023, may mitsubishi adventure nga gin detail ang LGU sa iya bilang BTAO Head pero may pangabay man sa LGU sang patrol car para sa ila operasyon. Suno kay Lacson, gin-convert sini pakadto sa patrol car ang gintugyan sa iya nga salakyan.

Dugang pa sang BTAO Head, nakalab-ot sa iya ang impormasyon nga sa 10 ka bag-o nga salakyan, lima lamang dire ang naga operate bangud sa kakulang sang regular nga driver.

Suno pa kay Lacson, iya ginkakas ang logo ka LGU sa salakyan bangud ini ang iya gina usar sa monitoring sang mga traffic enforcers kon nagatrabaho ukon wala.

Nag isyu naman si City Legal Officer Atty. Romeo Carlos Ting Jr. sang notice to explain sa BTAO Head. | Bacolod Exposed Photo/FB

What’s your Reaction?
+1
0
+1
0
+1
0
+1
0
+1
0
+1
0
+1
0

LOTTO RESULTS – APRIL 19, 2024

6/58 Ultra Lotto April 19, 2024
Winning Combination
(in any order) 14-02-33-15-27-45
Jackpot Prize Php 78,030,644.40
Number of Winner(s) 0

6/45 Mega Lotto April 19, 2024
Winning Combination
(in any order) 06-30-16-15-24-03
Jackpot Prize Php 40,545,640.20
Number of Winner(s) 0

What’s your Reaction?
+1
0
+1
0
+1
0
+1
1
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.