COAST GUARD: BYAHE SA BREDCO PORT INDI APEKTADO SA PAGSIRA SANG BORDERS SA ILOILO PROVINCE

Share on facebook
Share on pinterest
Share on twitter
Share on print

Magapadayon pa sa gihapon ang byahe sang mga fast craft kag roll-on roll-off vessels sa BREDCO Port kasubong man sa pagpatuman sang mga protocols kag guidelines para sa stranded individuals apisar sang Executive Order nga ginpapanaug ni Iloilo Governor Arthur Defensor.

Suno kay Philippine Coast Guard (PCG)-Negros Occidental Commander Jansen Benjamin, magapabilin sa gihapon ang istrikto nga implementasyon sang polisa kag protocol sa BREDCO Port.

Ang mga pasahero sang anuman nga fast craft ang kinahanglan gid lamang nga magpresentar sang Identification Card bangud suno kay Benjamin ini ang magadungka naman sa syudad sang Iloilo nga indi sakop sang EO ni Defensor.

Obligado naman nga magkuha sang travel authority kag medical clearance ang pasahero nga magasakay sa RoRo bangud nga ini ang nagadungka sa Dumangas nga sakop sang probinsya sang Iloilo.

Ginpahayag naman ni Benjamin nga ang mga salakyan ukon delivery sang basic kag essential goods ang ginapahanugutan sa gihapon nga magbyahe apang kinahanglanon man nga magkuha sang mga requirements nga una na nga gina-require sa ila. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

LALAKI, PATAY SANG GINTIRO MATAPOS NASAL-AN NGA KONTRA SANG SUSPECT

Patay ang isa ka lalaki matapos masal-an nga amo ang kontra sang suspect sa nagluntad nga shooting incident sa Sitio Kantinakip, Barangay Sikatuna banwa sang Isabela, las 11 kagab-i, Marso 26.

Suno kay Police Captain Arjay Dangarang, hepe sang Isabela PNP, nagalakat ang biktima nga si Randy Labinoy, 39 anyos sa ka sagingan sang hinali nalang nga ginluthang sang wala pa ginhingadlan nga suspetsado gamit ang wala pa mahibaluan nga armas luthang igo sa nawala nga tyan nga amo ang gintunaan sang iya kamatayon.

Sa inisyal nga imbestigasyon sang kapulisan, base sa mga saksi napasibangdan lang si Labinoy nga amo ang kontra sang suspect nga nahibaluan may madugay na nga away.

Palayag ni Dangarang nga dulom ang lugar rason nga lain nga tawo ang naluthangan sang suspect.

Sa karon, padayon pa ang ginapatigayon nga imbestigasyon kag pag pangita sang dugang nga saksi para ma kumpirmar ang identity sg suspect.

What’s your Reaction?
+1
1
+1
0
+1
0
+1
0
+1
0
+1
0
+1
0

PCG NAPAIDALUM SA HEIGHTENED ALERT TUBTOB ABRIL 2, 2024

Nag-augment sa Philippine Coast Guard ang nagkalain lain nga units kaangay sang 618 Auxilliary Squadron, Philippine Marine Reserve kag Maritime Police para magbulig sa pagbantay sa pagsulod kag pag gwa sang mga pasahero sa mga pwerto sa Negros Occidental kag ilabi na sa Bredco kag Banago Port.

Suno kay Commander Paterno Belarmino Jr. umpisa Marso 22 naka heightened alert na sila kag magalawig tubtob Abril 2.

Dugang pa ni Belarmino, amat amat na nga naga damo ang pasahero nga nagabyahe kag ginapaabot nga mas magdamo pa sa masunod nga inadlaw.

Panugyan ni Belarmino sa mga nagabyahe nga magsunod lang sa proper protocol para tayuyon ang lakat sang byahe kag mapabilin nga safe ang tanan nga pasahero. | PCG Photo

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.