MENU

CNA BONUS PARA SA MGA EMPLEYADO SANG GOBIERNO PROBINSIYAL, WALA PA MASIGURO

  • at 9:56 pm
Share on facebook
Share on pinterest
Share on twitter
Share on print
Wala pa sang kasiguraduhan nga makabaton sang collective negotiation agreement (CNA) incentives  ang mga empleyado sang gobyerno probinsiyal sang Negros Occidental. 
Ini ang ginklaro ni Acting Provincial Administrator Lucille Gelvolea. 
Suno kay Gelvolea,  luyag  anay   hibaluon  ni Provincial Budget Officer Percival Salado Jr., ang kaundan sa policy guidelines  sang Department of Budget and Management (DBM),  may kaangtanan sa  mga LGU’s ukon Local Government Units nga kuwalipikado sa paghatag sang amo nga insentibo. 
Basi   sa pagsulundan sang DBM, puwede nga makahatag sang CNA incentives ang mga LGU’s,  kun ini ang may 70% pasaka  nga accomplishment, ukon performance sa patag sang budget  kag mga programa. Suno kay Gelvolea, 40 tubtub 50% lamang ang nalab-ot sang probinsiya, gani  may posibilidad  nga  indi matigayon ang paghatag sa amo nga benepisyo.  
Ang  CNA incentives  ang separado sa  14th month pay  kag cash bonuses,  nga  ginakuha sang mga empleyado sa gobyerno kada tuig.
What’s your Reaction?
+1
0
+1
0
+1
0
+1
0
+1
0
+1
0
+1
0

APO NGA NAGPATAY SA IYA LOLO, NAPASAKAAN NA SANG KASO

April 26, 2024

Napasakaan na sang kaso nga murder ang gina-alegar may deperensya sa paminsaron nga apo nga naglabo-patay sa iya kaugalingon nga lolo sa Purok 1, Sitio Malusay, Barangay Caradio-an, Himamaylan City, Negros Occidental sang Abril 22.

Ginkilala ang biktima nga si Eugene Eleuterio samtang ang suspek ginkilala kay Denise Eleuterio, pareho nga residente sang nasambit nga lugar.

Base sa imbestigasyon sang Himamaylan PNP, ginpahayag ni Denise nga may nagasugo sa iya nga patyon si Eugenio.

Dugang pa nakit-an sang utod sang suspek nga ginalagas pa ni Denise si Eugenio kag makaligad ang pila ka minuto nakit-an nalang ang suspek nga dugo-on kag nagpahayag nga patay na ang biktima.

Suno sa utod, nakita niya nga ginalagas sang suspek ang biktima kag makaligad ang pila ka minutos, nagpalapit ini nga may uyat nga binangon kag duguon na kag naghambal nga patay na ang biktima.

Si Denise ang priso sa karon sa custodial facility sang Himamaylan City PNP.

What’s your Reaction?
+1
0
+1
0
+1
0
+1
0
+1
0
+1
0
+1
0

BATA, PATAY SANG MALUMOS SA BAYBAY SA PONTEVEDRA

April 26, 2024

Patay ang 12 anyos nga bata nga lalaki matapos nalumos sa baybay sa Reclamation Area, Barangay 1 Poblacion, banwa sang Pontevedra, Negros Occidental, las-2:55 sang hapon, Miyerkules, Abril 24, 2024.

Base sa report sang Pontevedra Municipal Police Station, naghagaday ang biktima kag mga abyan sini nga mga menor-de-edad agud magpaligo.

Samtang nagapaligo, nakit-an nalang sang duha ka menor nga nagapangayo na sang bulig ang biktima nga nalumos , apang wala nasalbar bangud mabaskog ang sulog sang tubig rason nga nagpangayo sang bulig ang duha ka menor sa mga bystanders, apang wala na nakitaang biktima.

Nakit-an ang biktima nga nagalutaw na sa tubig mga la-1 sang kaagahon, Abril 25 matapos nagpatigayon sang retrieval operation ang Municipal Disaster and Risk Reduction Management Office.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.