CLMMRH BIOLAB GINA PAABOT NGA MAKABULIG SA MASS COVID-19 TESTING

Share on facebook
Share on google
Share on pinterest
Share on twitter
Share on print
(Bacolod PIO Photo)

Ginapaabot nga ang pag bukas sang Level 3 Biosafety Molecular Laboratory sa Corazon Locsin Montelibano Memorial Regional Hospita (CLMMRH) subong nga semana ang maka bulig sa madasig nga pag gwa sang Covid-19 test results kag para sa mass testing.

Personal nga gin bisitahan ni Mayor Bing Leonardia, Vice Mayor El Cid Familiaran kag pila ka opisyal sang syudad ang biolab kaina sang aga.

Ang syudad ang nag hatag sang 20 milyones pesos para sa pag establisar sang laboratoryo para sa Covid-19 testing.

Gin pahayag sang Alkalde, nga suno kay Dr. Julius Drilon, Chief of Hospital sang CLMMRH, ini ang ikatatlo nga klase sang biolab sa Pilipinas.

Gina abi-abi ni Leonardia ang iban nga laboratoryo sa mga pribado nga hospital sa syudad kaangay sang Bacolod Queen of Mercy Hospital nga nag patigayon sang inagurasyon subong man nga adlaw.

Suno kay Familiaran, na-amaze ini sa laboratoryo nga ‘very safe’ kag gin paathag man sa ila ang proseso sa pag examine sang swab specimen tubtob nga magwa ang resulta sang test.

(Bacolod PIO Photo)

Suno kay Familiaran, mas madasig nga maka desisyon ang mga opisyal kasunod nga madasig man ang pagwa sang mga test results.

Gin paathag sang bise-alkalde, magahatag ang laboratoryo sang advance result sa City Health Office sa mga nagpositibo bisan wala pa ang hard copy sang result para ma isolate gilayon ang mga persona nga may close contact sa nagpositibo.

Prayoridad sang syudad nga mapaidalum sa test ang mga Locally Stranded Individuals kag OFWs nga makabig nga high risk.

Sa Sabado natalana patigayunon ang inagurasyon sang pasilidad. | Aksyon Dale Salazar

MORE STORIES:

ANU ANG IMO MA KOMENTO?