CIVIL SECURITY OFFICER, GIN AMBUSH-PATAY

Share on facebook
Share on google
Share on pinterest
Share on twitter
Share on print
Duha ang nagpatay kag 4 ang nagaserbe nga look out matapos gin ambush ang isa ka Civil Security Officer sang banwa sang Moises Padilla la 1:45 ang takna sang hapon, kahapon nga adlaw Oktubre 28 sa Sitio Mamballo, Brgy. Quintin Remo sa amo nga banwa. 
Ginkilala ang biktima kay Rusty Caminade nga nakaangkon sang madamo nga kapilasan nga gintunaan sang kamatayon sini. 
Suno kay SPO4 Noel Gillang, Deputy COP sang Moises Padilla PNP, gikan sa ila puluy-an si Caminade sakay sang motorsiklo kag padulong kuntani sa poblacion proper sang Moises Padilla sang gin bangga-an siya sang anum ka mga lalaki kag ginluthang sang makapila ka beses sa ngakalain lain nga bahin sang iya lawas kag ulo.
Dugang pa, base sa pag pangusisa sang mga kapulisan, wala man sang kontra si Caminade. 
Sa karon ginaverify pa ang pahayag sang pila ka mga testigos nga matapos gin himo ang krimen nag singgit ang mga suspetsado nga MABUHAY ANG NPA kag gilayon nga nag palagyo sa wala mahibaluan nga direksyon. 
Na rekober sa crime scene ang pila ka mga basiyo sang calibre 45 kag 9mm nga armas luthang.

MORE STORIES:

LIKE US ON FB

error: Ooops... You are not authorized to copy this content.