CITY LEGAL OFFICER: PAG BUTANG SANG KUBO SA OLD AIRPORT PARA SA NEGOSYO MAY YARA SANG BAYOLASYON

Share on facebook
Share on google
Share on pinterest
Share on twitter
Share on print

Gin pahayag ni City Legal Officer Atty. Joselito Bayatan nga klaro nga may bayolasyon ang pagbutang sang mga kubo sa kilid sang runway sa Old Airport sakop sang Brgy. Tangub sa syudad sang Bacolod.

Una nga gin pahayag ni Kapitan Noli Villarosa sang Brgy. Tangub nga nag hatag sang pondo ang Barangay Council sa Tangub Women’s Cooperative nga amo ang maga dumala sang lima ka kubo nga pwede kan-an ukon pungkuan sang mga naga ehersisyo ukon naga zumba sa runway.

Suno kay Bayatan, base sa ila pagpakigangut sa Civil Aviation Authority of the Philippines ukon CAAP sa probinsya, gin alegar wala nag hatag sang permiso ang management nga gina tugutan ang pag butang sang kubo sa lugar kag ini ang makabig nga squatters.

Suno kay Bayatan, ang negosyo ang wala sang business permit gikan sa syudad kag dapat mag comply sa mga legal requirements kaangay sang BIR Registration.

Gina kwestyon ni Bayatan nga dapat may yara sang resolusyon gikan sa Sangguniang Panlungsod kag Barangay ang ini nga proyekto, may approval sang budget officer kag may officers ang cooperative nga naga dumala sang negosyo.

Indi pa makapalayag si Bayatan kon san-o ang demolisyon sang mga kubo kasunod nga ila pa gina verify ang mga statement nga gin palayag ni Villarosa. | Aksyon Dale Salazar

LALAKI GINBUNO SANG BABAYI SA MOISES PADILLA, PATAY!

Patay ang 48 anyos nga lalaki matapos ginbuno sang isa ka babayi las 8:30 sang gab I, martes sa Sitio Loblob, Barangay Magallon Cadre, banwa sang Moises Padilla.

Ginkilala ang napatay sa kay Rene Lusaran kag ginkilala naman ang suspetsado sa kay Marlyn Bargayo, 49 anyos.

Sa pagpangusisa ni Moises Padilla PNP Commander Police Captain Randy Babor, gin alegar nga nakaino ang biktima kag ginhaboy sang bato ang balay sang suspetsado.

Tungod sini, naggwa si Bargayo nga may dala sang kutsilyo apang hinali na lamang siya ginhakos ni Lusaran rason nagpanginpadlos kag nabuno ang biktima.

Boluntaryo naman nga nagsungka sa kapulisan si Bargayo matapos mahimo ang krimen kag sa karon priso sa Custodial facility sang Moises Padila PNP.

PANGABAY NI CONG GASATAYA NGA DUGANG NGA SENIOR CITIZENS NGA MAKABENEPISYO SANG SOCIAL PENSION, VERIFIED NA SG DSWD

Na-verified na sang Department of Social Welfare and Development (DSWD) ang request ni Bacolod Lone District Congressman Greg Gasataya nga dugang nga senior citizens nga makabenepisyo sang social pension.

Sa interview sa Aksyon Hotline, ginpahayag ni Gasataya nga sa karun 2,700 lamang ang existing nga benepisyaryo sang social pension sa Bacolod. Ang mga nasambit nga pensioners ang wala gid sang may ginabaton nga anu man nga pension kaangay sang SSS, GSIS kag iban pa.

Suno kay Gasataya, 4,000 ka mga senior citizens ang nadugang sa listahan sa diin beripikado na man ini sang DSWD.

Nahibaloan, ang nasambit nga mga pensioners ang nagabaton sang P500.00 kada bulan gikan sa DSWD.

Dugang pa ni Gasataya, may gin-file na man nga hagna nga nagapadugang sang social pension apang sa karun pending pa ini sa kamara.

MORE STORIES:

LIKE US ON FB

error: Ooops... You are not authorized to copy this content.