CITY COUNCILOR GAMBOA LIWAT NAGSULAT SA SENADO ANGUT SA PAGLIGWAT SANG PETSA SANG CHARTER SANG BACOLOD

Share on facebook
Share on google
Share on pinterest
Share on twitter
Share on print

NAG PADALA sang sulat subong nga adlaw si Bacolod City Councilor Wilson Gamboa Jr sa senado nga naga pangabay nga liwat nga mag patigayon sang committee conference angut sa hagna nga naga ligwat sang petsa sang charter sang Bacolod.

Ini ang nangin tikang ni Gamboa, chairman sang Committee on History SP, matapos nga napasar sa second reading sa Senado ang House Bill 7044 nga naga saylo sang charter sang Bacolod humalin sa Oktubre 19 pakadto sa Hunyo 18.

Si Gamboa, upod sanday anay Mayor Monico Puentevella kag Councilor Claudio Puentevella ang mga naga pamatuk sa pag ligwat sang charter sang Bacolod.

Suno kay Gamboa, gin aprubahan sang kongreso ang hagna sa third kag final reading pero wala diri nalakip ang amendments sang senado nga saulogon ang charter sa Hunyo 18, ang inauguration day sa Oktubre 19 kag ang pag saulog sang highlight sang MassKara Festival sa kada ikaapat nga domingo sang bulan sang Oktubre.

Nanindugan si Puentevella nga na-acquire sang syudad ang corporate existence sini matapos gin inagurahan ang una nga Alkalde sang syudad sadtong Oktubre 19, 1938 rason nga dapat ipabilin sa amo nga petsa ang charter sang syudad.

Gin hangkat man ni Puentevella si Mayor Evelio Leonardia nga ipakita sa iya ang komunikasyon sang National Historical Commission of the Philippines nga naga pabor nga ideklarar ang June 18 bilang charter sang Bacolod.

OTHER STORIES:

[wpb-random-posts]

PASAPORTE GIN PROMOTE BILANG BRIGADIER GENERAL

Lubos nga ginpasalamatan ni 303rd Infantry Brigade Commander Inocencio Pasaporte si Presidente Rodrigo Duterte kag AFP Board of Generals matapos ginpromote ini sa ranggo nga Brigadier General.

Suno kay Brig. Gen. Pasaporte, gin-aprobahan ni Presidente Duterte ang iya promotion upod sa 4 ka mga senior officers tinalikdan nga Martes, Hunyo 22.

Dugang pa ni Pasaporte ginakabig nga kadalag-an sang tanan nga mga miembro sang Philippine Army sa Negros Occ. ang promotion bilang bag-o nga Heneral sang AFP bangod daku ang nangin kontribusyon sang mga soldado para sa ila mga nalab-ot.

Ginpahayag man ni Pasaporte nga sa pihak sang pandemya, padayon ini nga magapangalagad sa bug-os nga probinsya ilabi sa pagpakig-away sa Covid-19 paagi sa pagpadala sang mga militar nga nagaserbi bilang contact tracers, pagbantay sa 5 ka mga Quarantine Boarder Control nga nagatapik sa Occidental kag Oriental kag madamo pa nga iban. | Aksyon Alvin Grava

POLICE STATION 9 NA AKTUHAN ANG MGA PAMATAN-ON NGA NAGPAMASYA SA MGA MOTORISTA SA BARANGAY SUM-AG

Ginkumpirmar sang kapulisan nga may grupo sang mga pamatan-on nga nagpang basya sang tubi sa mga motorista nga nagalabay sa taytay sang Barangay Sum-ag syudad sang Bacolod kadungan sang kapiestahan ni San Juan de Bautista, kaina sang udto, Hwebes.

Suno kay Police Station 9 Commander Police Major Ritchie Gohee, naga-inspeksiyon siya kag ang mga police personnel sang nakabaton sang tawag nga may mga kabataan nga may bitbit sang balde nga may unod sang tubi kag ginabasya sa mga naganilabay.

Ginrespondihan sang kapulisan ang lugar kag naaktuhan ang mga pamatan-on nga nagnilumpat sa suba matapos makita ang patrol sang kapulisan.

Kun madumduman, nagpagwa sang mando si Mayor Evelio Leonardia nga nagadumili sang basyahanay sang tubi kag iban pa nga aktibidad may angut sa kapiestahan ni San Juan de Bautista.

Samtang, ginpahayag naman ni Gohee nga compliant ang mga resort kag restaurant owners sa Barangay Punta Taytay syudad sang Bacolod.

Samtang, lubos nga gin pasalamatan ni Task Force Disiplina Action Officer Wilfredo Taba Geolingo ang gin pakita nga kooperasyon sang publiko angut sa selebrasyon sang ka piyestahan ni San Juan de Bautista.

Suno kay Geolingo, base sa ila gin patigayon nga operasyon kag monitoring sa mga beach resort lakip na sa mga kapehan kag kalan-an sa Barangay Granada kag Alangilan, gin klaro sini nga wala sila sang nakita nga ano man nga bayolasyon.

Dugang pa ni Geolingo, may yara gid man sang pila ka mga kabataan ukon mga menor de edad nga ila gin saway matapos magpaligo sa baybay ilabi na sa mga Barangay nga may yara sang nasakupan nga coastal area, apang ini nga concern ang ila gilayon naman nga gin aktuhan paagi sa pagpalab-ot sa atensyon sang natungdan nga mga ginikanan.| Aksyon John Diaz, Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.