CITY ADMINISTRATOR: WALA PA SANG INDIKASYON NGA MABALIK ANG BACOLOD SA ECQ UKON GCQ

Share on facebook
Share on google
Share on pinterest
Share on twitter
Share on print
(Bacolod PIO Photo)

Gin pahayag ni City Administrator Em Ang nga wala pa sang indikasyon nga mag balik ang syudad sang Bacolod sa General Community Quarantine ukon Enhanced Community Quarantine.

Sa interview sang Aksyon Radyo, gin pahayag ni Ang, nga ‘under control’ pa sa karon ang mga Covid-19 cases sa Bacolod, paagi man sa istrikto nga pag patuman sang mga health protocol.

Naga apilar ang City Administrator sa publiko nga mag kooperar para indi mag balik ang syudad sa GCQ ukon ECQ.

Suno kay Ang, madamo na sang nawad-an sang trabaho kag na apektuhan ang mga negosyo, kag kon mag kooperar lamang ang publiko, mangin madinalag-on ang syudad apiesar sang presensya sang virus.

Dugang pa sang City Administrator, kon mag sige pasaway ang mga pumuluyo kag kon indi ma contain ang virus, may posibilidad nga ibalik sang National IATF ang ECQ ukon GCQ status sa syudad.

As of July 21, ang Bacolod ang may 92 ka Covid-19 cases, 52 ang naka recover, 36 ang active case kag apat ang napatay. | Aksyon Dale Salazar

BACOLOD DILG CHIEF MADAYAG, NEGATIBO ANG RESULTA SA COVID19 TEST

Nabaton na ni Bacolod City DILG chief Ma. Joy Marideth Madayag ang resulta sang iya swab test nga gin patigayon tinalikdan nga Lunes.

Suno kay Madayag, nangin negatibo ang resulta sang iya RT-PCR test nga nangin kabahin sang precautionary measure nga ginhimo sang ila talatapan bangud sa pag positibo sang isa nila ka empleyado sa Region 6.

Dugang pa ni Madayag, nagpatigayon sang Regional Conference ang ila talatapan tinalikdan nga semana gani ang amo nga RT-PCR test ang isa sang mga requirement agud ipasiguro nga ini ang hilway sa COVID 19.

Liwat naman nga nagpatigayon sang disinfection ang iya talatapan karon nga adlaw, samtang natalana naman nga maga balik ang ila operasyon sa DILG Bacolod sa bwas nga adlaw Enero 28.

PANGABAY NI CONG GASATAYA NGA DUGANG NGA SENIOR CITIZENS NGA MAKABENEPISYO SANG SOCIAL PENSION, VERIFIED NA SG DSWD

Na-verified na sang Department of Social Welfare and Development (DSWD) ang request ni Bacolod Lone District Congressman Greg Gasataya nga dugang nga senior citizens nga makabenepisyo sang social pension.

Sa interview sa Aksyon Hotline, ginpahayag ni Gasataya nga sa karun 2,700 lamang ang existing nga benepisyaryo sang social pension sa Bacolod. Ang mga nasambit nga pensioners ang wala gid sang may ginabaton nga anu man nga pension kaangay sang SSS, GSIS kag iban pa.

Suno kay Gasataya, 4,000 ka mga senior citizens ang nadugang sa listahan sa diin beripikado na man ini sang DSWD.

Nahibaloan, ang nasambit nga mga pensioners ang nagabaton sang P500.00 kada bulan gikan sa DSWD.

Dugang pa ni Gasataya, may gin-file na man nga hagna nga nagapadugang sang social pension apang sa karun pending pa ini sa kamara.

MORE STORIES:

LIKE US ON FB

error: Ooops... You are not authorized to copy this content.