CIDG-BACOLOD NAG FILE SANG REKLAMO BATUK SA KAPITAN SANG BRGY ALANGILAN KAG 20 KA IBAN PA

Share on facebook
Share on pinterest
Share on twitter
Share on print

Gin-reklamo sa City Prosecutor’s Office sa syudad sang Bacolod ang 21 ka mga persona lakip na ang 3 ka barangay officials kag pila ka mga surveyor sang Barangay Alangilan sa kaso nga paglapas sa Anti Graft and Corrupt Practices Act kag Bayanihan Act angot sa gin-alegar anomaliya sa pagpanagtag sang ayuda sa idalom sang Social Amelioration Program.

Suno kay Chief Master Sgt. Ramiro Gocotano, Chief sang CIDG- Bacolod, ang ginreklamo sang 7 ka mga complainant amo sanday Brgy. Alangilan Kapitan Degie Tanista Sr., Brgy. Kagawad Michael Solano, Brgy. Secretary Lema Magan kag 18 ka iban pa nga mga surveyor nga pila sa ila ang gin alegar himata sang kapitan.

Suno kay Gocotano, base sa mga ebidensya nga ila natipon, nadiskubrehan nga nakabaton sang 6,000 pesos nga ayuda ang kalabanan sa himata sang mga ginreklamo nga barangay official kag may nakabaton man sang ayuda nga indi residente sang barangay.

Gin paathag ni Gocotano, may mga SAP beneficiary sa Brgy. Alangilan nga indi kwalipikado kag may ikasarang pero nakabaton sang ayuda.

Sa karon, may tatlo ka Barangay sa syudad ang natalana pasakaan sang kaso kag dugang nga tatlo ka barangay nga gina validate ang reklamo angut sa SAP. | Aksyon Eden Aboso

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.