CHO: WALA SANG MAY NA REPORT NGA CLUSTERING SANG PNEUMONIA UKON INFLUENZA-LIKE ILLNESS SA BACOLOD

Share on facebook
Share on google
Share on pinterest
Share on twitter
Share on print

Padayun nga gina monitor sang Bacolod City Health Office kag sang Barangay Health Emergency Response Team ukon BHERTs ang pneumonia kag influenza-like illness sa komunidad.

Suno kay Dr. Grace Tan, spokesperson sang Bacolod Inter-Agency Task Force, wala sang may na report nga may clustering sang pneumonia ukon influenza-like illness sa lugar kon sa diin may nag Covid-19 positive ukon komunidad nga wala sang may na record nga Covid-19 cases.

Gin paathag ni Tan, ang clustering ang nagakatabo kon may masobra duha ka persona ang nakaangakon sang sunod-sunod nga pneumonia ukon influenza like illness kag kon ini ang magluntad posible may local transmission sa komunidad.

Samtang, sa Covid-19 update sa Bacolod, 679 ka specimen ang napadala sa laboratoryo, 597 diri ang negatibo, 11 ang positive pero anum ang nakarecover kag tatlo ang napatay samtang 70 ang pending.

Nag negatibo naman sa RT-PCR Test ang 21 ka mga personnel sang Emergency Medical Services Section sang Bacolod DRRMO. | Aksyon Dale Salazar

PLACIDO NANGABAY SA BARANGAY OFFICIALS NGA SUPORTAHAN ANG BAG-O NGA COPs

Ginahingyo ni BCPO Director Col Manuel Placido sa mga barangay officials nga buligan kag ihatag ang ila suporta sa mgabag-o nga Chief Of Police sa ila nasakupan nga lugar.

Suno kay Placido, ano man nga suporta ang ginhatag samga anay hepe, kabay pa nga ihatag man sa bag-o nga magapungko.

Palayag ni Placido, kahapon nga adlaw ang pagpungko sang bag-o nga mga station commanders apang subong nga adlaw lang sila nagpatigayon sang turn-over ceremony.

Gin imbitar man ni Placido ang mga opisyal sang barangay bangud nagapati siya nga kon makilala ang isa kag isa magapadayon ang pagbuligay para sa ikamayo sang ila nasakupan.

Nahibaluan si Major Ramel Sarona ang bag-o nga Chief of Police sang Police Station 1.

Sa Station 2 amo si Lt. Joven Magato, sa Station 4 si Major Jun Ray Batadlan, Station 6 naman si Capt. Leo Estopa, Station 8 si Major Joery Puerto kag ginbalik sa Station 10 si Capt. Armilyn Vargas. | Aksyon Eden Aboso

LALAKI, PATAY MATAPOS GINTIRO SA SILAY

Nagatakilid sa semento kag wala na sang kabuhi ang isa ka 54 anyos nga lalaki sang luthangon sa Kalye Onse, Barangay Mambulac, Syudad sang Silay kaina sang aga.

Ang biktima ginkilala kay Rodulfo A. Cain Jr ” Jun Kumpol” pamilyado kag nagapuyo sa amo man nga Barangay.

Sa imbestigasyon sang Silay PNP sa pagpanguna ni PLt. Guilmor Cuare, Deputy of Police, nagapangape gid lamang ang biktima sang mag-abot ang duha ka suspetsado sakay sa motorsiklo kag ginluthang sang makaduha ka beses igo sa liog tunaan sang iya kamatayon.

Ang otoridad nakarekober sang duha ka cartridge sang kalibre 45 sa lugar sang insidente.

Suno sa otoridad, ang biktima isa ka street level individual kag naaresto naman sadto.

Karun sini, padayon pa ang imbestigasyon sang otoridad sa motibo sang krimen kag pagkilala sa mga suspetsado. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.