CHO, NAGKLARO NGA INDI TIPDAS ANG KABANGDANAN SANG LIMA KA MGA PERSONA NGA SUNOD-SUNOD NGA NAGKALAMATAY SA ISA KA BARANGAY SA SIUDAD SANG BACOLOD

Share on facebook
Share on google
Share on pinterest
Share on twitter
Share on print

Nagklaro ang Bacolod City Health Office ukon CHO nga indi measles ukon tipdas ang kabangdanan sa sunod-sunod nga pagkapatay sang lima ka mga persona sa Barangay 14, syudad sang Bacolod umpisa bulan sang Disyembre 2018 tubtob Enero 2019.

Ini bangud sang pagduda sang mga residente nga gin alegar tipdas ang kabangdanan sang lima nga napatay lakip na apat ka menor de edad.

Suno kay Dr. Grace Tan, pamuno sang CHO Environment and Sanitation Division, nagtaliwan sa hospital ang isa ka bata nga duha ka bulan bangud sa gastroenteritis, isa ka tuig nga bata bangud sa hydrocephalus, tatlo ka tuig nga bata bangud sa pneumonia, 15 anyos nga bata bangud sa heart failure, kag isa ka trisikad driver nga legal ang pang-edaron nga tubtob karon gina-verify pa sang CHO ang kabangdanan sang iya kamatayon.

Base sa record sang CHO, 254 ang suspected cases sang tipdas sa Bacolod sang 2018, 38 ang confirmed cases kag isa ka 17 anyos nga bata nga babaye ang napatay.

MORE STORIES:

LIKE US ON FB

error: Ooops... You are not authorized to copy this content.