CHIEF TESTING CZAR MAGA HATAG SANG TESTING KITS PARA SA BACOLOD

Share on facebook
Share on google
Share on pinterest
Share on twitter
Share on print

Magahatag si Secretary Vince Dizon, Chief Testing Czar sang Malacañang, sang automated extractor kits subong nga semana kasunod sang urgent request ni Mayor Bing Leonardia.

Una nga nag padala si Leonardia sang sulat kay Dizon sang Setyembre 6 nga nagapahibalo nga ang Bacolod nagakinahanglan sang iya bulig angut sa mga supplies nga kinahanglanon lakip na ang automated extractor kits kasunod sang pag lapta sang outbreak sa syudad kag probinsya.

Gin pahayag ni Dizon sa iya nga email-reply kay Leonardia, magatawag ini sa Research Institute for Tropical Medicine ukon RITM kag maga abot sila sa Bacolod bwas dala ang kinahanglanon nga kits.

Sadtong Agusto 20 sang nag-untat ang biolab sang Corazon Locsin Montelibano Memorial Regional Hospital (CLMMRH) sa pagbaton sang swab specimen gikan sa Bacolod matapos nga nawad-an ang laboratoryo sang automated extraction kits.

Madumduman, si Dizon ang nag padala sadto sa Bacolod sang 10,000 extractor kits kag 2,000 ka PPEs.

Pero suno sa Alkalde, gin palab ot sa iya ni Dr. Julius Drilon sang CLMMRH nga ang biolab ang indi maka proseso sang test usar ang Nucleospin Extraction Kits nga gin padala ni Dizon paagi sa RITM.

Bangud sini, nag pangabay si Leonardia kay Dizon sang Genolution Extraction Kits.

MORE STORIES:

LIKE US ON FB

error: Ooops... You are not authorized to copy this content.