CERES BUS BALIK BYAHE SA NEGROS OCCIDENTAL SA MAYO 18

Share on facebook
Share on google
Share on pinterest
Share on twitter
Share on print

Balik na sa pagbyahe ang mga Ceres bus sang Vallacar Transit Incorporated sa bug-os nga Negros Occidental umpisa Mayo 18.

Suno kay Jade Seballos, media relations officer sang Vallacar, natalana nga sapulon kag ipaidalom sa orientation ang ila mga drivers kag conductors bag-o magbalik ang byahe.

Ginklaro ni Seballos, nga magapagwa pa sila sang dugang nga regulasyon angut sa pagsakay sang mga pasahero.

Nag pangabay si Seballos sa tanan nga pasahero nga sa terminal sang mga Ceres magsakay bangud indi magpasaka sang pasahero kon magabantay lang sa higad sang dalan.

Nagapangayo sang paghangop si Seballos sa mga safety protocols nga ila ipatuman ilabi na nga indi sila magpasulod sa terminal kag magpasakay sa bus kon wala sang facemasks kag taas ang temperatura sang isa ka pasahero.

Ang Vallacar ang maga butang man sang mga marka sa sulod sang bus para mapatuman ang social distancing.

Ginklaro ni Seballos nga 50% lamang sang seating capacity sang kada bus ang pahanugutan.

Samtang, magabyahe man ang ceres bus sa Negros Oriental apang indi pagpahanugutan nga makasulod kag pagwa sa Negros Occidental. | Aksyon Eden Aboso

KASO BATUK SA LIMA KA NEGRENSE ROFs, GINAPREPARAR NA

Ginapreparar na sang gobyerno probinsiyal ang kaso nga pagsupak sa health kag safety protocols kontra coronavirus disease 2019 (Covid-19), batok sa lima ka mga Negrense Returning Overseas Filipinos (ROFs) nga wala magsugid sang ensakto nga impormasyon sa pagpauli sa Negros Occidental.

Duha sa lima amo ang mag asawa nga halin sa London United Kingdom (UK) nga nagpositibo sa Covid-19 pagbalik sa ila lugar sa Antipolo Pontevedra.

Ginpahayag ni Provincial Administrator Atty. Rayfrando Diaz II, ginahulat na lamang ang kompleto nga mga dokumento halin sa Provincial Legal Office , kag resolusyon sang Sanguniang Panlalawigan nga nagahatag sang otoridad sa pagpasaka sang kaso.

May report man nga isumiter ang probinsiya sa National Inter-Agency Task Force (NIATF) agud ipabalo ang natabo nga misdeclaration sang Negrense ROFs nga nagpakilala bilang mga Locally Stranded Individuals. | Aksyon Marlon Genovea

LALAKI, PILASON MATAPOS NAKURYENTE

(Contributed Photo | CTTO)

Nakuryete ang isa ka naga-sidline sa pagpamanday sa Purok Sunshine, Barangay E. Lopez, Syudad sang Silay.

Ang biktima ginkilala kay Antonio Zamora, 33 anyos, pamilyado nagapuyo sa Purok Langka sa amo man nga Barangay kag isa ka tricycle driver.

Suno sa ugangan ni Zamora nga si Edgar Relojas, iya ginsugo ang biktima nga kuhaon ang metal purlins sa ikaduha nga andana sang ila gina-ubra ugaling nasangit ini sa linya sang central negroa electric cooperative ukon ceneco.

Nahulog ang biktima kag nakaangkon sa madamo nga paso lawas kag nagsuka sang dugo. Gilayon ini gindala sang hospital. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.