CENECO: BILL SANG MARSO KAG ABRIL PWEDE BAYARAN SANG INSTALLMENT TUBTOB HULYO KAG AGUSTO

Share on facebook
Share on google
Share on pinterest
Share on twitter
Share on print

Maga patigayon ang CENECO sang re-reading sang kuntador para sa mga konsumidor nga pamatyagan nila nga sala ang ila electricity bill sa nakunsumo nga kuryente sa bulan sang Marso kag Abril.

Ini suno kay City Councilor Archie Baribar, chair sang committee on energy and public utilities matapos ang public hearing nga gin patigayon kaina sang aga, Hunyo 9 upod ang tagdumalahan sang CENECO, labor group, pila ka Kapitan kag iban pa angut sa pagsaka sang balayran sang kuryente sang quarantine period.

Suno kay Baribar, sa public hearing nahibaluan nga ang bill sa bulan sang Marso ang gin base sa estimate ukon ang average sang nakunsumo nga kuryente sang Disyembre 2019, Enero 2020 kag Pebrero 2020.

Dugang pa ni Baribar, nag pasiguro ang CENECO nga ipaiway ang pagpanukot sang balayran sa bill para sa bulan sang Marso nga pwede bayaran sang installment tubob Hulyo kag ang bill sa Abril ang pwede bayaran tubtob Agusto.

Pero suno sa CENECO dapat bayaran sang konsumidor ang bill sang Pebrero kag Mayo para malikawan ang disconnection.

(Chuchie Distriza, Finance Manager sang CENECO)

Gin pahayag ni Chuchie Distriza, finance manager sang CENECO, ang advisory sang Energy Regulatory Commission (ERC) nga gin isyu sang Marso 26 ang ila gin basehan nga pwede ma apply ang ‘Estimated Billing’ sadtong quarantine period kasunod nga wala sang actual reading nga gin patigayon para sa safety sang mga meter readers kag para ma tuman ang physical distancing.

Nanindugan si Distriza nga compliant ang CENECO sa ERC.

Suno kay Distriza, ang residential rate lamang ang ila gin estimate sa pagsuma sang balayran sang kuryente samtang ang commercial kag industrial ang may yara sang actual reading.

Nag panugyan si Distriza sa mga konsumidor nga antes sila mag reklamo sa CENECO dapat i-review man ang pag usar sang ila mga appliances sadtong quarantine period.

Suno kay Distriza, kinahanglan mag sumiter ang maga reklamo sang letter request para sa re-reading kasunod nga kapin 178,000 ang konsumidor sang CENECO.

Gin anunsyo ni Distriza nga sa bulan sang Hunyo gina paabot ang pag nubo sang kuryente sang 0.50 sentimos per kilowatt hour. | Aksyon Dale Salazar

23 KA MGA BALAY GINPAIDALUM SA GRANULAR LOCKDOWN SA MURCIA

Ginpaidalom sa granular lockdown ang 23 ka mga balay sa banwa sang Murcia matapos magpositibo ang pila ka mga residente sa lugar.

Nagpapanaug sang executive order si Murcia Mayor Gerry Rojas nga nagamando sa pagpaidalom sa critical zone sa 13 ka mga balay sa Purok Piña, Brgy. Zone 1 kag 10 ka mga balay sa Purok Golden Kamote, Brgy. Zone 2, epektibo Mayo 7 tubtob Mayo 17.

Bangud sini, ginmanduan ang barangay council, tanod kag mga kapulisan nga istrikto nga ipatuman ang mga health protocols.

Sa pinakahulihi nga datus sang Murcia Rural Health Unit, 410 na ang kumpirmado nga kaso sang COVID-19, kun sa diin 60 diri ang aktibo nga kaso. | Aksyon John Diaz

VACCINATION KONTRA COVID-19 SA AYALA MALL NAG UMPISA NA

(Bacolod PIO Photo, May 8, 2021)

Ginkalipay ni City Administrator kag EOC Executive Director Em Ang nga nangin matawhay ang vaccination activity karon nga adlaw sa Ayala Mall.

Suno kay Ang, husto ang desisyon nga ginhimo sang EOC nga indi dapat pagtugutan nga maka pabakuna ukon akomodahon ang pila ka mga indibidwal nga wala maka pa rehistro ukon gina kabig nga mga walk in applicants.

Dugang pa ni Ang, ini na ang estratehiya nga ila paga gamiton umpisa sa masunod nga semana angut sa naga padayon nga vaccination program sang syudad.

Base sa plano sang EOC, yara lamang sa 200 ka mga indibidwal ang ila plano nga akomodahon kada adlaw para malikawan ang pag ginutok sang publiko ilabi na sa mga mall nga ila gin utilize bilang vaccination center. | Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.