Tatlo ka tuig nga bata nga lalaki nga Locally Stranded Individual halin sa probinsiya sang Laguna, ang nagaisahanon nga COVID-19 active case sang banwa sang Cauayan Negros Occidental.
Sa datos sang Cauayan Municipal Health Office tubtob Enero 20, 2021, ang bata residente sang Sitio Gabok, Barangay Basak, kag patient no. 62 sang banwa.
Ala una sang kaagahon Enero 18, 2021, siya ang nagbiya sa ila puluy-an sa Laguna upod ang iya pamilya padulong sa NAIA sakay sa pribado nga salakyan. Alas 6 sang aga, sila ang nag abot sa NAIA Terminal 2 kag nag check in alas 8 sang aga.
Alas 12:15 sang udto nagbiya sa NAIA sakay sa Philippine Airlines kag nag abot sa Silay Airport ala 1:35 sang hapon, sa diin sila ang ginkuhaan sang RT-PCR test.
Alas 2:30 sang hapon, sila ang ginsugat sang Cauayan Covid-dedicated vehicle kag gindala sa Covid isolation facility para sa mandatory facility quarantine.
Enero 19, 2021, naguwa ang resulta sang test sa diin nagpositibo sa Covid-19 ang bata, apang nagapabilin nga asymptomatic.| Aksyon Marlon Genovea