SECTIONS

Today is:

CASTIL, NAHANGPAN ANG REAKSIYON SA PAMILYA RAMOS ANGOT SA ILA IMBESTIGASYON

Share on facebook
Share on google
Share on pinterest
Share on twitter
Share on print
Nahangpan ni Senior Superintendent Rodolfo Castil Jr., Provincial Director sang Negros Occidental Police Provincial Office ang nabatyagan sang pamilya sang napatay nga si Atty. Benjamin Ramos. 
Suno kay Castil, ang ila imbestigasyon ang base man sa mga palayag nga ila makuha sa mga testigo apang indi niya mabasol ang pamilya Ramos kon may dismayado ang mga ini bangud normal lang nga luyag sang pamilya nga mapadasig ang pag solbar sang amo nga kaso agud mahatag ang hustisya sa ila nga himata. 
Dugang pa ni Castil, apisar sa palayag sang asawa ni Atty. Ben, padayon sa gihapon ang ila pagpatigayon sang imbestigasyon. 
Ginmanduan man ni Castil si Superintendent Jonel Guadalupe, hepe sang Kabankalan City PNP nga kinahanglan may mga imbestigador malapit sa mga Ramos agud mag bulig kon may yara sila sang kinahanglan nga dugang nga impormasyon nga mahibalu-an kag para man mag update sa pamilya sa lakat sang kaso. 
Ginalauman ni Castil, nga padayon ang koordinasyon sang pamilya Ramos sa kapulisan agud mas mapadasig ang imbestigasyon kag pagresolba sang kaso. 
Madumduman nga sa ekslusibo nga interview sang Aksyon Radyo gin pahayag ni Mrs. Clarissa Ramos nga dismayado siya sa ginapatigayon nga imbestigasyon sang kapulisan.*Aksyon Bryan Morden

MORE STORIES:

ANU ANG IMO MA KOMENTO?