CARBON: SHIPPING COMPANIES POSIBLE MAGPASAKA SANG PLETE KON IPATUMAN SANG MARINA ANG ISA KA METRO NGA DISTANSYA SA MGA PASAHERO

Share on facebook
Share on google
Share on pinterest
Share on twitter
Share on print

Mahimo magpasaka sang pletehan ang mga shipping companies sa tion nga iipatuman sang Maritime Industry Authority (MARINA) ang isa ka metro nga distansya sang mga pasahero sa baylo nga 50% sang seating capacity sang mga fast craft nga magabiyahe Bacolod padulong Iloilo.

Suno kay Frank Carbon sang Weesam Express, kahapon gin usisa sang mga engineers sang MARINA ang mga barko kag ginpabutyag nga indi mahimo pahanugutan ang 50% seating capacity basi sa takos nga ginpatuman sini bangud mahimo indi istrikto nga masunod ang social distancing.

Bangud sini, mapilitan ang mga shipping companies nga magpasaka sang pletehan agud nga indi mapierde ang ila nga negosyo kag magpadayon ang byahe.

Ang isa ka fast craft ang may total seating capacity nga 300 apang sa polisa sang MARINA ginabulunta 60 lamang ang mapasakay sini.

Ginpalayag ni Carbon nga mahimo maglab-ot sa 50 tubtob 70 pesos ang saka sa pletehan kun ipatuman sang MARINA ang isa ka metro nga distansya sang mga pasahero.

Sa karun, nagapadayon ang pagsinapol sang MARINA kag mga shipping companies sa syudad sang Iloilo may angut sa sini.

Sa pihak nga bahin, kumbinsido naman si Carbon sa mando ni Negros Occidental Governor Eugenio Jose Lacson kag Bacolod City Mayor Evelio Leonardia sa paglimita sa mga pasahero nga pahanugutan makabyahe. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.